നാലംഗകുടുംബം ഭാരതപ്പുഴയില്‍ മുങ്ങി മരിച്ചു; ആത്മഹത്യയെന്ന് നിഗമനം

പാലക്കാട് ന്മ ലക്കിടിയില്‍ ഭാരതപ്പുഴയില്‍ ഒരു കുടുംബത്തിലെ 4 പേരുടെ മൃതദേഹങ്ങള്‍ കണ്ടെത്തി. പാലപ്പുറം വിളക്കിത്തല അജിത്ത്കുമാര്‍ (37), ഭാര്യ വിജി (34), വിജിയുടെ മക്കളായ ആര്യനന്ദ, അശ്വനന്ദ എന്നിവരാണ് മരിച്ചത്. ആത്മഹത്യയെന്നാണു നിഗമനമെന്നും വീട്ടില്‍നിന്ന് ആത്മഹത്യാ കുറിപ്പ് കണ്ടെത്തിയതായും പൊലീസ് പറഞ്ഞു. വിജിയുടെ ആദ്യ വിവാഹ ബന്ധത്തിലെ മക്കളാണ് ആര്യനന്ദയും അശ്വനന്ദയും. പുഴയുടെ കരയില്‍ ഇവരുടെ ചെരുപ്പും മറ്റും കണ്ടാണ് പൊലീസും നാട്ടുകാരും ചേര്‍ന്ന് തിരച്ചില്‍ തുടങ്ങിയത്. മൃതദേഹങ്ങള്‍ ജില്ലാ ആശുപത്രിയിലേക്ക് മാറ്റി.