ഗത്യന്തരമില്ലാതെ കീഴടങ്ങി സൈജു തങ്കച്ചന്‍

നമ്പര്‍ 18 ഹോട്ടല്‍ പോക്‌സോ കേസ് രണ്ടാം പ്രതി സൈജു തങ്കച്ചന്‍ അന്വേഷണ സംഘത്തിനു മുന്നില്‍ കീഴടങ്ങി. ഇന്നു രാവിലെ കൊച്ചി മെട്രോ പൊലീസ് സ്റ്റേഷനിലെത്തിയാണ് കീഴടങ്ങിയത്. ഇയാള്‍ കൊച്ചിയില്‍ തന്നെ ഉണ്ടെന്നു മനസിലാക്കി അന്വേഷണ സംഘം രണ്ടു ദിവസമായി ഇയാളുടെ ബന്ധു വീടുകളില്‍ ഉള്‍പ്പടെ തിരച്ചില്‍ നടത്തി വരുന്നതിനിടെയാണ് കീഴടങ്ങല്‍. ഹൈക്കോടതി പ്രതികളുടെ മുന്‍കൂര്‍ ജാമ്യാപേക്ഷ തള്ളിയതിനു പിന്നാലെ സുപ്രീം കോടതിയെ സമീപിച്ചെങ്കിലും അനുകൂല വിധി ലഭിച്ചിരുന്നില്ല. ഇതേ തുടര്‍ന്ന് പൊലീസ് പ്രതികള്‍ക്കായി തിരച്ചില്‍ നടത്തുന്നതിനിടെ ഇന്നലെ ഒന്നാം പ്രതി റോയി വയലാറ്റ് കീഴടങ്ങിയിരുന്നു. ഇയാളെ ഇന്നു കോടതിയില്‍ ഹാജരാക്കാരനിരിക്കെയാണ് രണ്ടാം പ്രതി സൈജു തങ്കച്ചന്‍ കീഴടങ്ങിയിരിക്കുന്നത്. കേസില്‍ ഹൈക്കോടതി ജാമ്യം അനുവദിച്ച മൂന്നാം പ്രതി അഞ്ജലി റീമാദേവിനോട് ബുധനാഴ്ച ചോദ്യം ചെയ്യലിനു ഹാജരാകാന്‍ ആവശ്യപ്പെട്ട് അന്വേഷണ സംഘം നോട്ടിസ് നല്‍കിയിട്ടുണ്ട്.