അവസാന തിയതി മാര്‍ച്ച് 31; ഇക്കാര്യങ്ങള്‍ ചെയ്ത് തീര്‍ക്കാന്‍ മറക്കല്ലേ

സാമ്പത്തിക വര്‍ഷത്തിന്റെ അവസാന ദിനമാണ് മാര്‍ച്ച് 31. അതുകൊണ്ട് തന്നെ സാമ്പത്തിക കാര്യങ്ങളുമായി ബന്ധപ്പെട്ട നിരവധി നടപടിക്രമങ്ങള്‍ ഈ ദിവസത്തിന് മുന്‍പായി ചെയ്തു തീര്‍ക്കേണ്ടതുണ്ട്. 2022 ലെ സാമ്പത്തിക വര്‍ഷം (ഏപ്രില്‍ മുതല്‍) തുടങ്ങുന്നതിന് മുന്‍പ് ഇക്കാര്യങ്ങള്‍ ചെയ്ത് തീര്‍ത്തില്ലെങ്കില്‍ പിന്നീട് വലിയ നൂലാമാലകളിലേക്കാകും അത് വഴിതെളിക്കുക. ചെയ്ത് തീര്‍ക്കേണ്ടവ - ആധാര്‍- പാന്‍ കാര്‍ഡ് പാന്‍ കാര്‍ഡും ആധാര്‍ കാര്‍ഡും തമ്മില്‍ ബന്ധിപ്പിക്കാനുള്ള അവസാന തീയതി മാര്‍ച്ച് 31 ലേക്ക് നീട്ടിയിരിക്കുകയാണ് സിബിഡിടി. ആധായനികുതി വെബ്സൈറ്റിലൂടെ ആധാര്‍ കാര്‍ഡും പാനും എളുപ്പത്തില്‍ ലിങ്ക് ചെയ്യാവുന്നതാണ്. https://eportal.incometax.gov.in/iec/foservices/#/pre-login/bl-link-aadhaar കെവൈസി ആര്‍ബിഐ ഉപഭോക്താക്കള്‍ക്ക് മാര്‍ച്ച് 31 വരെയാണ് കെവൈസി അപ്ഡേറ്റ് ചെയ്യാനുള്ള സമയം നല്‍കിയിരിക്കുന്നത്. കെവൈസി പൂര്‍ത്തിയാക്കാന്‍ ബാങ്ക് നിര്‍ദേശിക്കുന്നതനുസരിച്ച് പാന്‍ കാര്ഡിന്റെ കോപ്പി, അഡ്രസ് പ്രൂഫ് എന്നിവ നല്‍കേണ്ടി വരും. കെവൈസി നല്‍കിയില്ലെങ്കില്‍ ബാങ്ക് അക്കൗണ്ട് ഫ്രീസ് ആവാനുള്ള സാധ്യതയുണ്ട്. ആധായനികുതി റിട്ടേണ്‍ ഫയലിംഗ് ആധായനികുതി റിട്ടേണ്‍ സമര്‍പ്പിക്കേണ്ട അവസാന തിയതി മാര്‍ച്ച് 31 ആണ്.