പരിക്കേറ്റ സ്‌കൂട്ടര്‍ യാത്രികന് 11 ലക്ഷം രൂപ നഷ്ടപരിഹാരം നല്‍കാന്‍ വിധി

മഞ്ചേരി : കാറിടിച്ച് ഗുരുതരമായി പരിക്കേറ്റ സ്‌കൂട്ടര്‍ യാത്രികന് 11,04,200 രൂപ നഷ്ടപരിഹാരം നല്‍കാന്‍ മഞ്ചേരി മോട്ടോര്‍ ആക്സിഡണ്ട് ക്ലൈം ട്രിബ്യൂണല്‍ കോടതി ജഡ്ജി പി എസ് ബിനു വിധിച്ചു. മലപ്പുറം ചെറുവായൂര്‍ കുന്നത്തുംപാറ ചേലക്കര മുഹമ്മദിന്റെ മകന്‍ അലി എന്ന അലിക്കുട്ടി (58)നാണ് പരിക്കേറ്റത്. 2018 ജനുവരി 29നായിരുന്നു അപകടം. ചെറുവായൂരില്‍ നിന്നും എടവണ്ണപ്പാറയിലേക്ക് സ്‌കൂട്ടറില്‍ പോകവെ വട്ടപ്പാറയില്‍ വെച്ച് എതിരെ വന്ന കാര്‍ ഇടിക്കുകയായിരുന്നു. കോഴിക്കോട് മെഡിക്കല്‍ കോളേജ് ആശുപത്രിയില്‍ ഏറെക്കാലം ചികിത്സയില്‍ കഴിഞ്ഞുവെങ്കിലും ശരീരത്തിന് 83 ശതമാനം തളര്‍ച്ച ബാധിച്ചിരുന്നു. ഒമ്പതു ശതമാനം പലിശയും കോടതി ചെലവുമടക്കം നഷ്ടപരിഹാരത്തുക ന്യൂ ഇന്ത്യ ഇന്‍ഷൂറന്‍സ് കമ്പനിയാണ് നല്‍കേണ്ടത്.