ഭര്‍ത്താവിനേയും മക്കളേയും ഉപേക്ഷിച്ച് അയല്‍വാസിക്കൊപ്പം പോയി, 23കാരിയും സുഹൃത്തും അറസ്റ്റില്‍

കൊല്ലം: ഭര്‍ത്താവിനേയും മൂന്ന് മക്കളേയും ഉപേക്ഷിച്ച് ആണ്‍സുഹൃത്തിനൊപ്പം പോയ യുവതി അറസ്റ്റില്‍. കൊല്ലം പൂക്കുളത്തെ സുനാമി ഫ്ളാറ്റില്‍ നിന്നാണ് യുവതി സുഹൃത്തിനൊപ്പം പോയത്. സുഹൃത്തിനേയും പോലീസ് അറസ്റ്റ് ചെയ്തത്. റിന്‍ഷിദ മന്‍സിലില്‍ റിന്‍ഷിദ (23), അയല്‍വാസി ഷബീര്‍ (23) എന്നിവരെയാണ് പോലീസ് അറസ്റ്റ് ചെയ്തത്. കൊല്ലത്ത് നിന്ന് പോയ ഇരുവരേയും വര്‍ക്കലയില്‍നിന്നാണ് പോലീസ് കണ്ടെത്തിയത്. റിന്‍ഷിദയുടെ ഭര്‍ത്താവ് വിദേശത്താണ്. ഇവര്‍ക്ക് മൂന്നുമക്കളുണ്ട്. റിന്‍ഷിദയുടെ മാതാവിന്റെ പരാതിയിലാണ് പോലീസ് കേസെടുത്തത്. മക്കളെ ഉപേക്ഷിച്ചുപോയതിനും പ്രേരണയ്ക്കും ഇരുവരെയും അറസ്റ്റു ചെയ്തു. ബാലനീതി നിയമപ്രകാരം ഏഴുവര്‍ഷം തടവുലഭിക്കാവുന്ന കുറ്റങ്ങളാണ് പോലീസ് ചുമത്തിയത്. ഇന്‍സ്പെക്ടര്‍ എ.നിസാറിന്റെ നേതൃത്വത്തിലാണ് ഇവരെ കണ്ടെത്തിയത്.