പന്ത്രണ്ടുകാരിയെ പീഡിപ്പിക്കാന്‍ പതിനേഴുകാരന് അവസരമൊരുക്കി; അമ്മയുടെ സുഹൃത്തും ബന്ധുവും പിടിയില്‍

തിരുവനന്തപുരം: പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിക്കാന്‍ പ്രായപൂര്‍ത്തിയാകാത്ത ആണ്‍കുട്ടിക്ക് അവസരം ഉണ്ടാക്കി കൊടുത്തയാളെയും ആണ്‍കുട്ടിയെയും പൊലീസ് അറസ്‌റ് ചെയ്തു. ചുള്ളിമാനൂര്‍ സ്വദേശി സന്തോഷ് (36) ആണ് അറസ്റ്റിലായത്. പതിനാറുകാരനായ ആണ്‍കുട്ടിയെ ജുവനൈല്‍ ഹോമിലേക്കു മാറ്റും. 12 വയസുള്ള പെണ്‍കുട്ടിയുടെ മൊഴിയുടെ അടിസ്ഥാനത്തില്‍ നാലാം ക്ലാസ്സില്‍ പഠിക്കുമ്പോള്‍ പീഡിപ്പിച്ച അകന്ന ബന്ധുവായ പനവൂര്‍ സ്വദേശി നുജും എന്നു വിളിക്കുന്ന ഇബ്രാഹിം കുഞ്ഞിനെയും അറസ്റ്റ് ചെയ്തു. സന്തോഷ് പതിനാറുകാരനായ ആണ്‍കുട്ടിയുടെ അമ്മയുടെ സുഹൃത്താണ്. വ്യാഴാഴ്ച രാവിലെ 8 മണിക്കു സ്‌കൂളില്‍ പോകാനിറങ്ങിയ 12 വയസുകാരിയെ സ്‌കൂളില്‍ കൊണ്ടു പോകാമെന്ന് പറഞ്ഞു കാറില്‍ കയറ്റിയ സന്തോഷ് ചുള്ളിമാനൂരിലെ ആള്‍ താമസമില്ലാത്ത വീട്ടിലെത്തിച്ചു, അവിടെ പതിനാറുകാരനും ഉണ്ടായിരുന്നു. ഇവരെ രണ്ടു പേരെയും അകത്താക്കി വാതില്‍ പൂട്ടിയ ശേഷം സന്തോഷ് പുറത്ത് പോയി. പെണ്‍കുട്ടി ക്ലാസില്‍ വരാത്തതിനാല്‍ സ്‌കൂള്‍ അധികൃതര്‍ വീട്ടുകാരെ വിളിച്ചപ്പോഴാണ് കുട്ടി ക്ലാസില്‍ എത്തിയില്ലെന്ന കാര്യം വീട്ടില്‍ അറിയുന്നത്. ഉച്ചയോടെ സന്തോഷും പതിനാറുകാരനും പെണ്‍കുട്ടിയെ ഒരു ജംക്ഷനില്‍ വിട്ടശേഷം പോയി. പെണ്‍കുട്ടി തിരികെ വീട്ടിലെത്തി കാര്യങ്ങള്‍ പറഞ്ഞു. വീട്ടുകാര്‍ നെടുമങ്ങാട്ട് പൊലീസില്‍ പരാതി നല്‍കിയതിനെ തുടര്‍ന്നാണ് പെണ്‍കുട്ടിയുടെ മൊഴിയുടെ അടിസ്ഥാനത്തില്‍ പൊലീസ് ഇരുവരെയും അറസ്റ്റു ചെയ്തത്. പെണ്‍കുട്ടിയുടെ മൊഴിയുടെ അടിസ്ഥാനത്തില്‍ പിന്നീട് ബന്ധുവിനെയും പിടികൂടി.