കൊങ്കണ്‍ ട്രെയിനുകള്‍ക്ക് നാളെ മുതല്‍ സമയമാറ്റം

കൊങ്കണ്‍ വഴിയുള്ള ട്രെയിനുകളുടെ മണ്‍സൂണ്‍ സമയത്തില്‍ നാളെ മുതല്‍ ഒക്ടോബര്‍ 31 വരെ മാറ്റം. കൊങ്കണ്‍ ഭാഗത്തുനിന്നുള്ള ട്രെയിനുകള്‍ രണ്ടര മണിക്കൂര്‍ വരെ വൈകും. കേരളത്തില്‍നിന്നു പുറപ്പെടുന്ന ട്രെയിനുകളുടെ പുതുക്കിയ സമയം (ബ്രാക്കറ്റില്‍ നിലവിലെ സമയം): ന്മ എറണാകുളം ജംക്ഷന്‍ - ഹസ്രത്ത് നിസാമുദ്ദീന്‍ പ്രതിദിന മംഗള ലക്ഷദ്വീപ് എക്‌സ്പ്രസ് (12617) എറണാകുളത്തുനിന്നു രാവിലെ 10.40നു പുറപ്പെടും (ഉച്ചയ്ക്ക് 1.25). ന്മ ചൊവ്വ, വ്യാഴം, വെള്ളി ദിവസങ്ങളില്‍ തിരുവനന്തപുരത്തുനിന്നു പുറപ്പെടുന്ന ഹസ്രത്ത് നിസാമുദ്ദീന്‍ രാജധാനി എക്‌സ്പ്രസ് (12431) ഉച്ചയ്ക്ക് 2.30നു പുറപ്പെടും (വൈകിട്ട് 7.15). ന്മ തിരുവനന്തപുരം സെന്‍ട്രല്‍ - ഹസ്രത്ത് നിസാമുദ്ദീന്‍ പ്രതിവാര ട്രെയിന്‍ (22653) വെള്ളിയാഴ്ച രാത്രി 10നു തിരുവനന്തപുരത്തുനിന്നു പുറപ്പെടും (ശനി പുലര്‍ച്ചെ 12.30). ന്മ എറണാകുളം - അജ്‌മേര്‍ പ്രതിവാര മരുസാഗര്‍ എക്‌സ്പ്രസ് (12977) ഞായര്‍ വൈകിട്ട് 6.50ന് എറണാകുളത്തുനിന്നു പുറപ്പെടും (രാത്രി 9.25). ന്മ തിങ്കള്‍, ചൊവ്വ ദിവസങ്ങളില്‍ തിരുനെല്‍വേലിയില്‍നിന്നു ജാംനഗറിലേക്കുള്ള (19577) ട്രെയിന്‍ രാവിലെ 5.15നു പുറപ്പെടും (രാവിലെ 8.00). ന്മ വെള്ളിയാഴ്ചകളില്‍ കൊച്ചുവേളിയില്‍നിന്നു ഋഷികേശിലേക്കുള്ള ട്രെയിന്‍ (22659 ) രാവിലെ 4.50നു പുറപ്പെടും (രാവിലെ 9.10). ന്മ വ്യാഴം, ഞായര്‍ ദിവസങ്ങളില്‍ കൊച്ചുവേളിയില്‍നിന്നുള്ള ലോകമാന്യതിലക് ഗരീബ് രഥ് എക്‌സ്പ്രസ് രാവിലെ 7.45നു പുറപ്പെടും (രാവിലെ 8.45). ന്മ തിരുവനന്തപുരം - മുംബൈ ലോകമാന്യ തിലക് നേത്രാവതി എക്‌സ്പ്രസ് തിരുവനന്തപുരത്തുനിന്നു പുറപ്പെടുന്ന സമയത്തില്‍ മാറ്റമില്ല. രാവിലെ 9.15നുതന്നെ പുറപ്പെടും.