എസ്എസ്എല്‍സിക്ക് 99.26 ശതമാനം വിജയം

എസ്എസ്എല്‍സി, ടിഎച്ച്എസ്എല്‍സി പരീക്ഷാ ഫലങ്ങള്‍ പ്രഖ്യാപിച്ചു. 99.26 ശതമാനമാണ് വിജയം. 99.47 ആയിരുന്നു കഴിഞ്ഞ തവണത്തെ വിജയ ശതമാനം. 4,26,469 പേര്‍ പരീക്ഷ എഴുതിയതില്‍ 4,23,303 പേര്‍ ഉന്നത വിദ്യാഭ്യാസത്തിനു യോഗ്യത നേടി. 44,363 പേര്‍ എല്ലാ വിഷയത്തിലും എ പ്ലസ് നേടി. കഴിഞ്ഞ തവണ ഇത് 1,25,509 ആയിരുന്നു. വിജയശതമാനം കൂടുതലുള്ള റവന്യു ജില്ല കണ്ണൂര്‍ (99.76%). വിജയശതമാനം കുറഞ്ഞ റവന്യു ജില്ല-വയനാട് (98.07%). വിജയശതമാനം കൂടുതലുള്ള വിദ്യാഭ്യാസ ജില്ല-പാല (99.94%). കുറഞ്ഞ വിദ്യാഭ്യാസ ജില്ല- ആറ്റിങ്ങല്‍ (97.98%). ഏറ്റവും കൂടുതല്‍ വിദ്യാര്‍ഥികള്‍ക്ക് എ പ്ലസ് ലഭിച്ച വിദ്യാഭ്യാസ ജില്ല- മലപ്പുറം. 3024 വിദ്യാര്‍ഥികള്‍ക്ക് എ പ്ലസ് ലഭിച്ചു. ഗള്‍ഫില്‍ 571 പേര്‍ പരീക്ഷ എഴുതിയതില്‍ 561 പേര്‍ ഉന്നതവിദ്യാഭ്യാസത്തിനു യോഗ്യത നേടി. വിജയം 98.25%. 4 ഗള്‍ഫ് സെന്ററുകളില്‍ 100 ശതമാനം വിജയം ലഭിച്ചു. ലക്ഷദ്വീപില്‍ 882 പേര്‍ പരീക്ഷ എഴുതിയതില്‍ 785 പേര്‍ വിജയിച്ചു. 89% വിജയം. കൂടുതല്‍ വിദ്യാര്‍ഥികള്‍ പരീക്ഷ എഴുതിയത് പികെഎംഎംഎച്ച്എസ്എസ് ഇടരിക്കോട് മലപ്പുറം. 2104 വിദ്യാര്‍ഥികള്‍ പരീക്ഷയെഴുതി. കുറച്ച് വിദ്യാര്‍ഥികള്‍ പരീക്ഷ എഴുതിയത് എച്ച്എംഎച്ച്എസ്എസ് രണ്ടാര്‍ക്കര എറണാകുളം. ഒരു വിദ്യാര്‍ഥിയാണ് പരീക്ഷ എഴുതിയത്. ടിഎച്ച്എസ്എല്‍സിയില്‍ 2977 വിദ്യാര്‍ഥികള്‍ പരീക്ഷ എഴുതിയപ്പോള്‍ 2912പേര്‍ വിജയിച്ചു. വിജയം 99.49%. മൊത്തം എ പ്ലസ് ലഭിച്ചവര്‍ 112. ഇത്തവണ ഗ്രേസ് മാര്‍ക്ക് ഉണ്ടായിരുന്നില്ല. വൈകിട്ട് നാലു മുതല്‍ ഔദ്യോഗിക വെബ്‌സൈറ്റില്‍ ഫലം അറിയാം. 2961 പരീക്ഷാ കേന്ദ്രങ്ങളിലായി 4,26,469 വിദ്യാര്‍ഥികള്‍ പരീക്ഷ എഴുതി. ഇതില്‍ 2,07,909 പെണ്‍കുട്ടികളും 2,18,560 ആണ്‍കുട്ടികളുമാണ്. 1,91,382 വിദ്യാര്‍ഥികള്‍ മലയാളം മീഡിയത്തില്‍ പരീക്ഷ എഴുതി. എസ്എസ്എല്‍സി പ്രൈവറ്റ് വിഭാഗത്തില്‍ 409 പേര്‍ പരീക്ഷ എഴുതി. ഫോക്കസ് ഏരിയില്‍നിന്ന് 30 ശതമാനവും പുറത്തുനിന്ന് 30 ശതമാനവും ചോദ്യങ്ങളാണ് ഉണ്ടായിരുന്നത്. 70 ക്യാംപുകളിലാണ് മൂല്യനിര്‍ണയം നടന്നത്. 9722 അധ്യാപകര്‍ മൂല്യനിര്‍ണയത്തിനുണ്ടായിരുന്നു. ഫലമറിയാന്‍: www.keralaresults.nic.in, www.keralapareekshabhavan.in, എസ്എസ്എല്‍സി-ഹിയറിങ് ഇംപയേര്‍ഡ് (www.sslchiexam.kerala. gov.in), ടിഎച്ച്എസ്എല്‍സി (www.thslcexam.kerala.gov.in), ടിഎച്ച്എസ്എല്‍സി-ഹിയറിങ് ഇംപയേര്‍ഡ് (www.thslchilcexam. kerala.gov.in), എഎച്ച്എസ്എല്‍സി (www.ahslcexam.kerala.gov.in)