ഒരേ കിണറ്റില്‍ പെട്ട് പുലിയും കാട്ടുപന്നികളും! പുലിയെ രക്ഷിച്ചു; 2 കാട്ടുപന്നികള്‍ ചത്തു

പാലക്കാട് പുലിയും കാട്ടുപന്നികളും ഒരേ കിണറ്റില്‍ വീണു. പാലക്കാട് പുതുപ്പരിയാരം മേപ്പാടി വനവാസി കോളനിയിലാണ് പുലിയും കാട്ടുപന്നികളും കിണറ്റില്‍ അകപ്പെട്ടത്. സുരേന്ദ്രന്‍ എന്നയാളുടെ സ്ഥലത്തെ കിണറ്റിലാണ് പുലിയും കാട്ടുപന്നികളും വീണത്. മൂന്നു കാട്ടുപന്നികളും ഒരു പുലിയുമാണ് വീണത്. തിങ്കളാഴ്ച രാവിലെ മുതല്‍ നടത്തിയ രക്ഷാപ്രവര്‍ത്തനത്തില്‍ പുലിയെ രക്ഷിച്ചു. കരക്കെത്തിച്ച പുലി, രക്ഷപ്പെട്ട് കാട്ടിലേക്ക് ഓടിപ്പോയി. ദീര്‍ഘനേരം വെള്ളത്തില്‍ കിടന്നതിനെ തുടര്‍ന്നു രണ്ടു കാട്ടുപന്നികള്‍ ചത്തു. ഒന്നിനെ ജീവനോടെ കരയ്ക്കെത്തിച്ചു. കരയ്ക്കെത്തിച്ച പുലി കാട്ടിലേക്ക് ഓടിപ്പോയി