‘പൊലീസ് സേനയില്‍ ഒട്ടേറെ മാറ്റങ്ങള്‍ ഉണ്ടായി’; കേരള പൊലീസ് രാജ്യം ശ്രദ്ധിക്കുന്ന പൊലീസ് സേനയെന്ന് മുഖ്യമന്ത്രി

കേരള പൊലീസ് രാജ്യം ശ്രദ്ധിക്കുന്ന പൊലീസ് സേനയാണെന്ന് മുഖ്യമന്ത്രി പിണറായി വിജയന്‍. പൊലീസ് സേനയില്‍ ഒട്ടേറെ മാറ്റങ്ങള്‍ ഉണ്ടായി. പൊലീസില്‍ ചേരുന്നവര്‍ ഉന്നത വിദ്യാഭ്യാസമുള്ളവരാണെന്ന് മുഖ്യമന്ത്രി പറഞ്ഞു. തിരുവനന്തപുരത്ത് വച്ച് നടന്ന പൊലീസ് ഡ്രൈവര്‍ കോണ്‍സ്റ്റബിള്‍ പാസിംഗ് പരേഡില്‍ പങ്കെടുത്ത് സംസാരിക്കുകയായിരുന്നു അദ്ദേഹം. പരിശീലനം പൂര്‍ത്തിയാക്കിയ 99 ഡ്രൈവര്‍ പൊലീസ് കോണ്‍സ്റ്റബിള്‍മാരുടെ പാസിംഗ് ഔട്ട് പരേഡാണ് നടന്നത്. 99 പേരാണ് 6 മാസത്തെ പരിശീലനം പൂര്‍ത്തിയാക്കി പൊലീസ് സേനയുടെ ഭാഗമാകുന്നത്. പൊലീസ് കോണ്‍സ്റ്റബിള്‍മാരുടെ സല്യൂട്ട് മുഖ്യമന്ത്രി സ്വീകരിച്ചു. ഡിജിപി അനില്‍കാന്ത് ഉള്‍പ്പെടെയുള്ളവര്‍ ചടങ്ങില്‍ പങ്കെടുത്തു. എന്നാല്‍ എകെജി സെന്ററിന് നേരെ കല്ലെറിയുമെന്ന് ഫേസ്ബുക്ക് പോസ്റ്റിട്ടയാള്‍ കസ്റ്റഡിയില്‍. അന്തിയൂര്‍കോണം സ്വദേശിയെ പൊലീസ് ചോദ്യം ചെയ്യുന്നു. കാട്ടായിക്കോണത്തെ വാടക വീട്ടില്‍ നിന്നാണ് ഇയാളെ കസ്റ്റഡിയിലെടുത്തത്. കൂടുതല്‍ വിവരങ്ങള്‍ ലഭ്യമായിട്ടില്ല. അതേസമയം എകെജി സെന്റര്‍ ആക്രമണത്തിന്റെ അന്വേഷണവുമായി ബന്ധപ്പെട്ട് മുഖ്യമന്ത്രിക്കെതിരെ പ്രതിഷേധം ശക്തമാക്കാനിരിക്കുകയാണ് യുഡിഎഫ്. ഇന്ന് യുഡിഎഫ് സെക്രട്ടറിയേറ്റിലേക്കും കളക്ട്രേറ്റിലേക്കും മാര്‍ച്ച് നടത്തും.