സംസ്ഥാനത്ത് കുരങ്ങുപനി സ്ഥിരീകരിച്ചു

തിരുവനന്തപുരം: സംസ്ഥാനത്ത് കുരങ്ങുപനി സ്ഥിരീകരിച്ചു. പൂനെ വൈറോളജി ഇന്‍സ്റ്റിറ്റ്യൂട്ടിലേക്ക് അയച്ച സാമ്പിള്‍ പരിശോദിച്ച ശേഷമാണ് രോഗം സ്ഥിരീകരിച്ചത്. യുഎ ഇയില്‍ നിന്ന് വന്ന കൊല്ലം ജില്ലയില്‍നിന്നുള്ള ആള്‍ക്കാണ് രോഗം സ്ഥിരീകരിച്ചത്. കൊല്ലത്തെ സ്വകാര്യ ആശുപത്രിയില്‍നിന്നാണ് മെഡിക്കല്‍ കോളജിലേക്ക് രോഗിയെ കൊണ്ടുവന്നത്. രോഗിയെ പ്രത്യേകം നിരീക്ഷണത്തിലാക്കിയിട്ടുണ്ട്. പനിയും ശരീര വേദനയും വസൂരിക്ക് സമാനമായ ലക്ഷണങ്ങളുമുണ്ട്. വീട്ടിലുള്ള ആളുകളുമായിട്ട് മാത്രമാണ് ഈ വ്യക്തിക്ക് സമ്പര്‍ക്കമുള്ളത്. കൂടാതെ വിമാനത്തിലുണ്ടായിരുന്ന 11 പേരും നിരീക്ഷണത്തിലാണ്. പരിശോധന ഫലം വൈകിട്ടോടെ ലഭിക്കുമെന്നും അതിനുശേഷം മാത്രമേ കുരങ്ങുപനിയാണോയെന്ന് സ്ഥിരീകരിക്കാന്‍ കഴിയുകയുള്ളൂവെന്നും ആരോഗ്യമന്ത്രി നേരത്തെ വ്യക്തമാക്കിയിരുന്നു. മനുഷ്യരില്‍ നിന്ന് മനുഷ്യരിലേക്കാണ് രോഗം പടരുക. മരണനിരക്ക് കുറവാണെന്നും ആശങ്ക വേണ്ടെന്നും വീണ ജോര്‍ജ് പറഞ്ഞു.