നടുറോഡില്‍ റീല്‍സ്’; വിദ്യാര്‍ത്ഥികള്‍ക്കെതിരെ പരാതിയുമായി നാട്ടുകാര്‍

മണ്ണാര്‍ക്കാട് കരിമ്പ എച്ച്എസ്എസ് ഹൈസ്‌ക്കൂളിലെ വിദ്യാര്‍ത്ഥികള്‍ക്കെതിരെ പരാതിയുമായി നാട്ടുകാര്‍ രംഗത്ത്. അപകടകരമാംവിധം വിദ്യാര്‍ത്ഥികള്‍ റോഡില്‍വെച്ച് റീല്‍സ് ഷൂട്ട് ചെയ്യുന്നതും ഫോട്ടോ എടുക്കുന്നതുമാണ് നേരത്തെ തടഞ്ഞിട്ടുളളതെന്ന് നാട്ടുകാര്‍ പറഞ്ഞു.ഏറെ അപകടങ്ങള്‍ നടന്ന പ്രദേശത്ത് മറ്റ് യാത്രക്കാര്‍ക്ക് പോലും അപകടം വരുത്തി വക്കുന്ന രീതിയിലാണ് കുട്ടികള്‍ പെരുമാറിയതെന്നും നാട്ടുകാര്‍ പറയുന്നു രണ്ടാഴ്ച മുന്‍പ് റീല്‍സ് ഷൂട്ട് ചെയ്യാന്‍ സമീപത്തെ കടയില്‍ നിന്ന് കസേരയെടുത്ത് കുട്ടികള്‍ റോഡിന്റെ നടുവില്‍ ഇരുന്നെന്നാണ് നാട്ടുകാര്‍ പറയുന്നത്.അപ്പോള്‍ തന്നെ കുട്ടികളെ ഇതില്‍ നിന്ന് വിലക്കി. നേരത്തെ പലതവണ വലിയ അപകടങ്ങള്‍ ഉണ്ടാകുകയും നിരവധി പേര്‍ മരിക്കുകയും ചെയ്ത മേഖലയാണിത് റീല്‍സിനായി റോഡില്‍കിടന്ന് പുഷപ്പ് എടുത്തെന്നും റോഡ് മുറിച്ച് കടക്കുന്ന രീതിയില്‍ പല തവണ ഫോട്ടോ ഷൂട്ടുകള്‍ നടത്തിയെന്നുമാണ് നാട്ടുകാര്‍ പരാതി. ഇക്കാര്യങ്ങള്‍ ചോദ്യം ചെയ്തപ്പോഴും കുട്ടികള്‍ നാട്ടുകാരോട് കയര്‍ക്കുകയാണ് ചെയ്തത്. സ്‌കൂളിലെ അധ്യാപകരോട് ഇക്കാര്യങ്ങള്‍ ചൂണ്ടിക്കാട്ടിയിട്ടും നടപടിയില്ലെന്നും നാട്ടുകാര്‍ പറയുന്നു.