തൃശൂരില്‍ വന്‍ വിദേശമദ്യവേട്ട: 50 ലക്ഷം രൂപയുടെ 3600 ലീറ്റര്‍ പിടികൂടി

തൃശൂര്‍: തൃശൂരില്‍ വന്‍ മദ്യവേട്ട. ചേറ്റുവയില്‍ 50 ലക്ഷം രൂപയുടെ 3600 ലീറ്റര്‍ വിദേശമദ്യം പിടികൂടി. മാഹിയില്‍നിന്ന് പാല്‍ വണ്ടിയിലായിരുന്നു മദ്യക്കടത്ത്. തിരുവനന്തപുരം സ്വദേശി കൃഷ്ണകുമാര്‍, കൊല്ലം സ്വദേശി സജി എന്നിവരാണ് പിടിയിലായത്. സംസ്ഥാനത്ത് പോലീസ് നടത്തിയ വലിയ അനധികൃത വിദേശമദ്യ വേട്ടകളില്‍ ഒന്നാണിത്. പിടികൂടിയ വിദേശമദ്യം ഓണം സീസണ്‍ ലക്ഷ്യമിട്ടാണ് പ്രതികള്‍ മാഹിയില്‍ നിന്നും വിവിധ വാഹനങ്ങളില്‍ കൊല്ലം, തിരുവനന്തപുരം, എറണാകുളം ജില്ലകളിലേക്ക് ചില്ലറ വില്‍പനയ്ക്കു വേണ്ടി കൊണ്ടുവന്നിരുന്നതെന്നാണ് പ്രതികള്‍ മൊഴി നല്‍കി. ഇതിന്റെ ഉറവിടത്തെക്കുറിച്ചും സാമ്പത്തിക സഹായം നല്‍കുന്നവരെ കുറിച്ചും, പ്രതിയില്‍ നിന്നും മദ്യംവാങ്ങി വില്‍ക്കുന്നവരെയും കുറിച്ചും പൊലീസ് അന്വേഷിച്ചു വരികയാണ്.