തമിഴ്‌നാട്ടില്‍ കാറും ലോറിയും കൂട്ടിയിടിച്ച് ഏഴു മരണം:മൂന്നു പേര്‍പരിക്ക്‌

തമിഴ്‌നാട്ടിലെ കരൂരിലുണ്ടായ വാഹനാപകടത്തില്‍ കാസര്‍കോട് സ്വദേശികളായ ഏഴു മലയാളികള്‍ മരിച്ചു. നാലു പേര്‍ക്ക് ഗുരുതര പരിക്ക്. കാസര്‍കോട് ബന്ദിയോട് മണ്ടേക്കാപ്പ് ആല്‍വിന്‍, രോഹിത്, ഹെറാള്‍ഡ്, സാത്രിന്‍, ഫെറോന. റീവ, സാന്‍വിന്‍ എന്നിവരാണ് മരിച്ചത്. പരിക്കേറ്റ പ്രസില്ല, ജസിമ, ആല്‍വിന്‍, പ്രേമ എന്നിവരെ കുഴിത്തല സര്‍ക്കാര്‍ ആശുപത്രിയില്‍ പ്രവേശിപ്പിച്ചു. പുലര്‍ച്ചെ കരൂര്‍ ദേശീയപാതയില്‍ കുഴിത്തലയിലായിരുന്നു അപകടം. കാസര്‍കോട് സ്വദേശികള്‍ സഞ്ചരിച്ച കാറും ലോറിയും കൂട്ടിയിടിക്കുകയായിരുന്നു. വെളാങ്കണ്ണി തീര്‍ഥാടനത്തിന് പോവുകയായിരുന്നു കാറിലെ സംഘം.