പ്ലസ്ടു പരീക്ഷാ ഫലം പ്രഖ്യാപിച്ചു:83.37 % വിജയം ;കണ്ണൂര്‍ ഒന്നാമത്

സംസ്ഥാനത്ത് രണ്ടാം വര്‍ഷ ഹയര്‍ സെക്കന്‍ഡറി പരീക്ഷാ ഫലം പ്രഖ്യാപിച്ചു.83.37% വിജയം.കഴിഞ്ഞ വര്‍ഷം 80.94 %മാനമായിരുന്നു വിജയം.ഇക്കുറ പരീക്ഷയെഴുതിയ 3,66,139 വിദ്യാര്‍ത്ഥികളില്‍ 305,262 വിദ്യാര്‍ത്ഥികള്‍ ഉപരിപഠനത്തിന് അര്‍ഹത നേടിയതായി വിദ്യാഭ്യാസ മന്ത്രി പ്രൊ.സി രവീന്ദ്രനാഥ് അറിയിച്ചു.കണ്ണൂര്‍ ജില്ലയാണ് വിജയശതമാനത്തില്‍ മുന്നില്‍.(82.22%)പത്തനംതിട്ട ജില്ലയാണ് ഏറ്റവും പിന്നില്‍(77.65%).എട്ടു സര്‍ക്കാര്‍ സ്‌കൂളുകളും 21 എയ്ഡഡ് സ്‌കൂളുകളുമടക്കം 83 സ്‌കൂളുകള്‍ സമ്പൂര്‍ണ വിജയം നേടി.സേ പരീക്ഷ ജൂണ്‍ 7 മുതല്‍ ആരംഭിക്കും.മെയ് 25 വരെ ഇതിനായുള്ള അപേക്ഷ സ്വീകരിക്കും.11,829 വിദ്യാര്‍ത്ഥികള്‍ക്ക് എല്ലാ വിഷയത്തിനും എ പ്ലസ് ലഭിച്ചു.സയന്‍സ് വിഭാഗത്തില്‍ 9,527 വിദ്യാര്‍ത്ഥികള്‍ക്കും ,കൊമേഴ്‌സ് വിഭാഗത്തില്‍ 1662 വിദ്യാര്‍ത്ഥികള്‍ക്കും ഹ്യുമാനിറ്റീസ് വിഭാഗത്തില്‍ 532 വിദ്യാര്‍ത്ഥികള്‍ക്കും മുഴുവന്‍ എ പ്ലസ്.സര്‍ക്കാര്‍ സ്‌കൂളുകളില്‍ 80.69 % വിദ്യാര്‍ത്ഥികളും,സര്‍ക്കാര്‍ എയ്ഡഡ് സ്‌കൂളുകളില്‍ 87.06 % വിദ്യാര്‍ത്ഥികളും,അണ്‍ എയ്ഡഡ് സ്‌കൂളുകളില്‍ 76.33%വിദ്യാര്‍ത്ഥികളും ഉന്നത വിദ്യാഭ്യാസത്തിന് യോഗ്യത നേടി