കരയിക്കുന്ന വൈറസ് കേരളത്തിലും:വയനാട്ടിലും പത്തനംതിട്ടയിലും വാണാക്രൈ ആക്രമണം

ഠലാകത്തെ നടുക്കിയ വാണാക്രൈ റാന്‍സംവെയര്‍ സൈബര്‍ ആക്രമണം കേരളത്തിലും.സംസ്ഥാനത്ത് വയനാട്ടിലെ തരിയോട് പഞ്ചായത്തിലും പത്തനംതിട്ടയിലെ കോന്നി അരിവാപ്പുലത്തെയും കമ്പ്യൂട്ടറുകളാണ് തകരാറിലായത്.വയനാട് പഞ്ചായത്ത് ഓഫീസിലെ നാലു കമ്പ്യൂട്ടറുകള്‍ തകരാറിലായിട്ടുണ്ട്.വെള്ളിയാഴ്ച വൈകീട്ട് കമ്പ്യൂട്ടറില്‍ സന്ദേശം കണ്ടു.എന്നാല്‍ മനസിലാകാത്തതിനാല്‍ കമ്പ്യൂട്ടറുകള്‍ ഓഫ് ചെയ്തു.തുടര്‍ന്ന് ഇന്ന് രാവിലെ വന്ന് തുറന്നപ്പോഴാണ് സംഭവം മനസിലായത്.

ആകെ പത്തു കമ്പ്യൂട്ടറുകളാണ് ഇവിടെയുള്ളത്.ഇതില്‍ നാലെണ്ണം വിന്‍ഡോസ് 7 ഓപ്‌റേറ്റിംഗ് സിസ്റ്റത്തിലുള്ളവയാണ്.ഇതിലാണ് വൈറസ് ബാധിച്ചത്.300,600 ഡോളറാണ് മോചന ദ്രവ്യം ആവശ്യപ്പെട്ടിരിക്കുന്നത്.സമയപരിധി തീരുന്നതിനു മുന്‍പ് പണം നല്‍കിയില്ലെങ്കില്‍ വിവരം മുഴുവനും നഷ്ടമാകും.പല കമ്പ്യൂട്ടറുകളിലും സമയ പരിധി അവസാനിച്ചു.