കല്‍ഭൂഷണ്‍ ജാദവ് കേസില്‍ രാജ്യാന്തര കോടതിയുടെ വിധി ഇന്ന്

ചാരപ്രവര്‍ത്തനം നടത്തിയെന്നാരോപിച്ച് പാക്കിസ്ഥാന്‍ കോടതി വധ ശിക്ഷ വിധിച്ച കല്‍ഭൂഷണ്‍ ജാദവിന്റെ കേസില്‍ രാജ്യാന്തര കോടതി ഇന്ന് വിധി പറയും.ഇന്‍ഡ്യന്‍ സമയം ഇന്ന് ഉച്ചയ്ക്കു ശേഷം 3.30 വിധി പുറപ്പെടുവിക്കുക.ജാദവ് കേസില്‍ ഇന്‍ഡ്യ നല്‍കിയ പരാതിയുടെ അടിസ്ഥാനത്തില്‍ ഇരു രാജ്യങ്ങളുടെയും വാദം പൂര്‍ത്തിയായിരുന്നു.ആരോപിക്കപ്പെടുന്ന കുറ്റം സമ്മതിക്കുന്ന ജാദവിന്റെ വീഡിയോ ദൃശ്യങ്ങള്‍ പ്രദര്‍ശിപ്പിക്കാനുള്ള നീക്കം കോടതി ഇടപെട്ട് തടഞ്ഞിരുന്നു.

ഈ മാസം എട്ടിനാണ് ഇന്‍ഡ്യ ജാദവ് കേസില്‍ രാജ്യാന്തര കോടതിയെ സമീപിക്കുന്നത്.തുടര്‍ന്ന് വധശിക്ഷ നടപ്പാക്കുന്നത് താല്‍ക്കാലികമായി നിര്‍ത്തിവെയ്ക്കണമെന്ന് കോടതി ആവശ്യപ്പെട്ടിരുന്നു. ഇന്‍ഡ്യന്‍ നാവികസേനാ മുന്‍ ഓഫീസറായ കല്‍ഭൂഷണ്‍ ജാദവിനെ ഇന്‍ഡ്യന്‍ രഹസ്യാന്വോഷണ ഏജന്‍സിയുടെ(റോ)ചാരനെന്ന് ആരോപിച്ച് 2016 ലാണ് പാക്കിസ്ഥാന്‍ കസ്റ്റഡിയിലെടുത്തത്.എന്നാല്‍ നാവികസേനയില്‍ നിന്ന് 2013 ല്‍ വിരമിച്ച കല്‍ഭൂഷണ്‍ ഇറാനില്‍ വ്യാപാരം നടത്തിവരികയായിരുന്നു.അവിടെ വെച്ച് പാക്കിസ്ഥാന്‍ ഇയാളെ തട്ടിക്കൊണ്ടു പോകുകയായിരുന്നു ഇന്‍ഡ്യ വ്യക്തമാക്കിയത്.കല്‍ഭൂഷണ്‍ കേസില്‍ ഇന്‍ഡ്യയ്ക്കു വേണ്ടി സുപ്രീം കോടതി മുതിര്‍ന്ന അഭിഭാഷകന്‍ ഹരീഷ് സാല്‍വെയാണ് രാജ്യാന്തര കോടതിയില്‍ ഹാജരായത്.