ട്രംമ്പ് സൗദിയില്‍:ചരിത്ര പ്രാധാന്യമുള്ള ഉച്ചകോടികള്‍ക്ക് അല്പസമയത്തിനകം തുടക്കമാകും

ട്രംമ്പ് വിദേശപര്യടനം തുടങ്ങി:ആദ്യ സന്ദര്‍ശനം സൗദി അറേബ്യയില്‍.അമേരിക്കന്‍ പ്രസിഡന്റ് ഡൊണാള്‍ഡ് ട്രംമ്പ് തന്റെ ആദ്യ വിദേശ സന്ദര്‍ശനത്തിനായി സൗദി അറേബ്യയിലെ റിയാദിലെത്തി.ഭാര്യ മെലാനിയ ട്രംമ്പും അദ്ദേഹത്തിനൊപ്പമുണ്ട്.ഇരുവര്‍ക്കും സൗദി രാജാവായ സല്‍മാന്‍ ഊഷ്മള വരവേല്‍പ്പാണ് നല്‍കിയത്.സന്ദര്‍ശനത്തിന്റെ ഭാഗമായി അന്‍പതോളം മുസ്ലിം മതപണ്ഡിതര്‍ പങ്കെടുക്കുന്ന ചരിത്ര പ്രാധാന്യമുള്ള ഉച്ചകോടികള്‍ അല്പസമയത്തിനകം,

ഒന്നിക്കാം, അതിജയിക്കാം എന്ന സന്ദേശമുയര്‍ത്തി ഇന്നും നാളെയുമായി മൂന്ന് ഉച്ചകോടികള്‍ക്കാണു സൗദി അറേബ്യആതിഥ്യമരുളുന്നത്. ഉച്ചകോടികളില്‍ ആഗോള സുരക്ഷയ്ക്കായുള്ള ഉഭയകക്ഷി പ്രതിബദ്ധത ഉറപ്പിക്കുകയും വ്യാപാര, സാംസ്‌കാരിക, രാഷ്ട്രീയ ബന്ധങ്ങള്‍ കൂടുതല്‍ ശക്തമാക്കുകയും ചെയ്യും. സൗദി അറേബ്യ - യുഎസ്, ഗള്‍ഫ് സഹകരണ കൗണ്‍സില്‍ (ജിസിസി) - അമേരിക്ക, അറബ് ഇസ്ലാമിക് അമേരിക്ക എന്നീ തലക്കെട്ടുകളിലാണു മൂന്നു സമ്മേളനങ്ങള്‍ ഒരുക്കിയിരിക്കുന്നത്.

എല്ലാവര്‍ക്കും ശോഭനമായ ഭാവിയെന്ന ലക്ഷ്യം മുന്നില്‍കണ്ടാണ് ഉച്ചകോടികള്‍ നടക്കുന്നത്.ഈ ഉച്ചകോടിയിലൂടെ വലിയ മാറ്റങ്ങള്‍ തന്നെയാണ് ലോകംഉറ്റു നോക്കുന്നത്.37 രാഷ്ട്ര നേതാക്കളും ആറഉ പ്രധാനമന്ത്രിമാരും ഉച്ചകോടിയില്‍ പങ്കെടുക്കും

സൗദി സന്ദര്‍ശനത്തോടെയാണ് ട്രംമ്പിന്റെ വിദേശ സന്ദര്‍ശനം ആരംഭിക്കുന്നത്.അമേരിക്ക-സൗദി സുപ്രധാന കരാറുകള്‍ ഉച്ചകോടിയില്‍ ഒപ്പുവെയ്ക്കും.ഇസ്ലാം അമേരിക്ക സൗഹൃദം ഊട്ടി ഉറപ്പിക്കലാണ് ഉച്ചകോടിയുടെ പ്രധാന ലക്ഷ്യം.

സൗദി സന്ദര്‍ശനത്തിനു പോകും മുന്‍പ് ''അമേരിക്കയുടം താല്‍പര്യങ്ങള്‍ സംരക്ഷിക്കും'എന്ന് ട്രംമ്പ് ട്വിറ്ററില്‍ കുറിച്ചു.മിഡില്‍ ഈസ്റ്റിലും യൂറോപ്പിലുമായി എട്ടു ദിവസത്തെ മാരത്തോണ്‍ വിദേശ സന്ദര്‍ശനമാണ് ട്രംമ്പ് നടത്തുന്നത്.

മുസ്ലിം രാജ്യങ്ങള്‍ മുസ്‌ലിങ്ങള്‍ക്കുള്ള അമേരിക്കന്‍ യാത്രാ വിലക്കില്‍ ട്രംമ്പിന്റെ സൗദി സന്ദര്‍ശനവും മുസ്ലിം മതനേതാക്കളുമായുള്ള ചര്‍ച്ചയും പ്രതീക്ഷയോടെയാണ് വീക്ഷിക്കുന്നത്.എന്നാല്‍ തന്റെ സന്ദര്‍ശന ലക്ഷ്യം മുസ്ലിം മതനേതാക്കള്‍ അവരെ അഭിമുഖീകരിക്കുന്ന ആഗോള പ്രശ്‌നങ്ങള്‍ക്ക് ശ്വാശ്വത പരിഹാരം കണ്ടെത്തിയില്ലെങ്കില്‍ നിങ്ങളുടെ വിധി മോശമായിരിക്കുമെന്ന് ബോധ്യപ്പടുത്തുകയും സമാധാന പാതയിലൂടെ സഞ്ചരിക്കണമെന്ന അഭിപ്രായം അറിയിക്കുന്നതിനുമാണെന്ന് ട്രംമ്പ് വിശദമാക്കിയിട്ടുണ്ട്.