‘റിബ്ബണ്‍ കെട്ടിയ ലിംഗം’ ഈ വീടിന്റെ ഐശ്വര്യം’ ഞെട്ടണ്ട ഇങ്ങനെയൊരു സംഭവമുണ്ട്‌…!

കപടസ്വാമിയുടെ ജനനേന്ദ്രിയം മുറിച്ച പെണ്‍കുട്ടിയുടെ ധീരത. ലോകമാധ്യമങ്ങളിലും ഈ വാര്‍ത്ത ഇടംനേടിയിരിക്കുകയാണ്. ഇതിനിടയിലാണ് ഭൂട്ടാനില്‍ നിന്നുള്ള കൗതുകകരമായ ഒരു വാര്‍ത്തയുമായി ഗ്രാഫിക് നോവലിസ്റ്റ് ഷാരോണ്‍ റാണി രംഗത്തെത്തിയത്. ഭൂട്ടാനിനുള്ള ഒട്ടുമിക്ക വീടുകളുടെ ചുമരുകളിലും റിബ്ബണ്‍ കെട്ടിയ ലിംഗത്തിന്റെ ചിത്രങ്ങളുണ്ടെന്നും അവയെ ഐശ്വര്യത്തിന്റെ ചിഹ്നമായാണ് അവര്‍ കാണുന്നതെന്നുമാണ് ഷാരോണ്‍ തന്റെ ഫേസ്‌ബുക്ക് പോസ്റ്റിലൂടെ വ്യക്തമാക്കുന്നത്.

ഷാരോണിന്റെ ഫേസ്‌ബുക്ക് പോസ്റ്റ്

ആദ്യമായി ഭുട്ടാനിൽ എത്തിയപ്പോൾ ആകെ അദ്‌ഭുതമായിരുന്നു. എല്ലാ വീടുകളുടെയും ചുമരുകളിൽ റിബ്ബൺ കെട്ടിയ ലിംഗത്തിന്റെ ചിത്രങ്ങൾ. ഐശ്വര്യത്തിന്റെ ചിഹ്നമായാണ് അവർ അതിനെ കാണുന്നത്. നമ്മുടെ നാട്ടിലെ ശിവലിംഗം പോലെ. ഭൂട്ടാനിലെ പുനാഖ എന്ന സ്ഥലത്തു ഒരു പ്രത്യേക ക്ഷേത്രം തന്നെയുണ്ട്. പേര് 'ചിമ്മി ലഖാങ് '. അവിടെ പണ്ട് പണ്ട് ഒരു സന്യാസി ഉണ്ടായിരുന്നു. പേര് 'ഡ്രൂക്‌പ കിൻലെ ', 'ദി ഡിവൈൻ മാഡ് മാൻ' എന്നായിരുന്നു ആൾ അറിയപ്പെട്ടിരുന്നത്. തന്റെ ലിംഗം പ്രദർശിപ്പിച്ച് അന്ന് നിലവിൽ നിന്നിരുന്ന സദാചാരത്തെ ചോദ്യം ചെയുകയും, പിശാചുക്കളെ ഓടിക്കുകയും ചെയ്തിരുന്നു എന്നാണ് കഥ . ഇപ്പോഴും ആ ക്ഷേത്രത്തിൽ പോയാൽ തടിയുടെ ഒരു കൂറ്റൻ ലിംഗം നമ്മുടെ തലയിൽ കൊട്ടിയാണ് പൂജാരി അനുഗ്രഹിക്കുക.