‘ജന്‍ കി ബാത്ത്’ വരുന്നു :മോദിയ്ക്ക് ജനങ്ങളുടെ മനസിലിരുപ്പറിയണം

മൂന്നു വര്‍ഷം പൂര്‍ത്തിയാക്കുന്ന നരേന്ദ്ര മോദി സര്‍ക്കാരിന്റെ പ്രവര്‍ത്തനങ്ങളെ വിലയിരുത്താന്‍ പ്രധാന മന്ത്രിയുടെ വക പുതിയ പരിപാടി മോദിയുടെ ജനപ്രിയ റേഡിയോ പരിപാടിയായ മന്‍ കി ബാത് മോഡലില്‍ 'ജന്‍ കി ബാത്'തുടങ്ങാനാണ് ഇപ്പോഴത്തെ തീരുമാനം.പുതിയ പരിപാടിയിലൂടെ സര്‍ക്കാരിനെക്കുറിച്ചും സര്‍ക്കാരിന്റെ നയങ്ങളെക്കുറിച്ചും ജനങ്ങളുടെ വിലയിരുത്തല്‍ ലഭ്യമാകുക എന്നതാണ് ജന്‍ കി ബാത്തിന്റെ ലക്ഷ്യം.2019 ലെ ലോക്‌സഭാ തിരഞ്ഞെടുപ്പിനെ മുന്നില്‍ കണ്ട് മോദിയുടെ സര്‍ക്കാര്‍ വിശകലന പദ്ധതിയാണ് ജന്‍ കി ബാത്. ഇരുപതു ദിവസം നീളുന്ന വാര്‍ഷികാഘോഷ പരിപാടികളുടെ ഭാഗമായാണ് ജന്‍ കി ബാത്ത് സംഘടിപ്പിക്കുന്നത്.പരിപാടി മെയ് 26 ന് ആരംഭിക്കും

ബിജെപി ഭരണത്തിലില്ലാത്ത സംസ്ഥാനങ്ങളില്‍ ഭരണത്തിലുള്ള സംസ്ഥാനങ്ങളിലെ മുഖ്യമന്ത്രിമാരും മന്ത്രിമാരും നേരിട്ടെത്തിയാണ് ജനങ്ങളുടെ മനസിലിരുപ്പ് കേള്‍ക്കേണ്ടത്.ഇതിനായി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥും കൂട്ടരും ബീഹാറിലേക്കും മധ്യപ്രദേശ് മുഖ്യമന്ത്രി ശിവ് രാജ് സിംഗ് ചൗഹാനും മന്ത്രിമാരും കര്‍ണാടകയിലും ഒഡീസയിലും യാത്ര ചെയ്യണെം.

നരേന്ദ്ര മോദയും അമിത്ഷായും ഉള്‍പ്പടെയുള്ള 450 ലധികം ബിജെപി നേതാക്കന്‍മാര്‍ അവരുടെ സ്വന്തം സ്ഥലത്തിനു പുറത്ത് ജന്‍കി ബാത്തിനായി ഒരുങ്ങിക്കഴിഞ്ഞെന്ന് ബിജെപി ഔദ്യോഗിക വൃത്തങ്ങള്‍ അറിയിച്ചു.മെയ് 26 മുതല്‍ ജൂണ്‍ 15 വരെ തിരഞ്ഞെടുക്കപ്പെട്ട 900 ത്തിലധികം വേദികളാണ് ജന്‍ കി ബാത്തിനായി ഒരുക്കിയിരിക്കുന്നത്