സിബിഎസ്ഇ പത്താം ക്ലാസ് ഫലം ഇന്ന്

സിബിഎസ്ഇ പത്താം ക്ലാസ് പരീക്ഷാഫലം ഇന്ന് പ്രഖ്യാപിക്കും. ഇന്ന് ഉച്ചക്ക് 12 മണിയോടുകൂടി ഫലം പ്രഖ്യാപിക്കുമെന്നാണ് സൂചന. എങ്കിലും 10 മണി മുതല്‍ 12 വരെയുള്ള സമയത്ത് വിദ്യാര്‍ത്ഥികള്‍ക്ക് ഫലം സംബന്ധിച്ച വിവരങ്ങള്‍ സിബിഎസ്ഇ യുടെ വെബ് സൈറ്റില്‍ നിന്നും അറിയാം. 16,67,573 വിദ്യാര്‍ത്ഥകളാണ് ഇത്തവണ പരീക്ഷയെഴുതിയത്.

സിബിഎസ്ഇ യുടെ ഔദ്യോഗിക വെബ്‌സൈറ്റില്‍ ഫലം പ്രസിദ്ധീകരിക്കും. സിബിഎസ്ഇയുടെ ഔദ്യോഗിക വെബ്‌സൈറ്റായ www.cbse..nic.in വഴിയും www.results.nic.in, www.cbseresults.nic.in എന്നീ സൈറ്റുകളിലൂടെയും ഫലം അറിയാം. ഇതിനും പുറമേ www.bing.com ലൂടെയും ഫലം അറിയാനുള്ള സംവിധാനം സിബിഎസ്ഇ ഒരുക്കിയിട്ടുണ്ട്. ഇതിനായി സിബിഎസ്ഇ യുടെ ഓഫീസുകളില്‍ നേരിട്ടെത്തേണ്ട ആവശ്യമില്ലെന്നും ബോര്‍ഡ് അറിയിച്ചു.

പരീക്ഷാഫലം സംബന്ധിച്ച് വിദ്യാര്‍ത്ഥികള്‍ക്കും അദ്ധാപകര്‍ക്കുമുണ്ടാകുന്ന ആശങ്കയകറ്റാന്‍ പ്രത്യേക കൗണ്‍സിലിങ് സംവിധാനവും സിബിഎസ്ഇ ഒരുക്കിയിട്ടുണ്ട്. കൂടുതല്‍ അന്വേഷണങ്ങള്‍ക്ക് 1800118004 എന്ന ടോള്‍ഫ്രീ നമ്ബറില്‍ വിളിക്കാം.