സ്ത്രീ സ്വാതന്ത്ര്യത്തെ പരിഹസിച്ച് രാംഗോപാല്‍ വര്‍മ്മ,സണ്ണി ലിയോണാകാന്‍ സ്വാതന്ത്ര്യ തേടുന്ന മകളുടെ കഥയുമായി വര്‍മ്മയുടെ ആദ്യ ഹ്രസ്വ ചിത്രം

വ്യത്യസ്ത വഴികളിലൂടെ സിനിമ ആവിഷ്‌ക്കരിക്കുന്ന ബോളിവുഡ് സംവിധായകന്‍ രാംഗോപാല്‍ വര്‍മ്മ തന്റെ ആദ്യ ഹ്രസ്വ ചിത്രവുമായി രംഗത്തെത്തി.സ്ത്രീ സ്വാതന്ത്ര്യന്റെ കഥയാണ് 'മേരിബേട്ടി സണ്ണി ലിയോണ്‍ ബനാ ചാഹ്തി ഹേ' എന്ന് പേരിട്ടിരിക്കുന്ന ചിത്രത്തിന്റെ പ്രമേയം.11 മിനിറ്റ് നീളുന്ന ഹ്രസ്വ ചിത്രത്തില്‍ അച്ഛന് ബാങ്ക് മാനേജരാകാന്‍ സ്വാതന്ത്ര്യമുണ്ടെങ്കില്‍ അമ്മയ്ക്ക് വീട്ടമ്മയാകാന്‍ സ്വാതന്ത്ര്യമുണ്ടെങ്കില് തനിക്ക് സണ്ണി ലിയോണിന്റെ പാത പിന്തുടരാന്‍ സ്വാതന്ത്ര്യമുണ്ടെന്ന് പറയുന്ന മകളുടെ സ്വതന്ത്ര ചിന്തയാണ് ആവിഷ്‌ക്കരിച്ചിരിക്കുന്നത്.

പോണ്‍ സ്റ്റാറാകാനാണ് പെണ്‍കുട്ടിയുടെ ആഗ്രഹം.പക്ഷെ അതിനെതിരായി നില്‍ക്കുന്ന രക്ഷിതാക്കളോട് തന്റെ സ്വാതന്ത്ര്യത്തെക്കുറിച്ച് ധൈര്യത്തോടെ അവതരിപ്പിക്കുന്ന മകളെ വര്‍മ്മ അവതരിപ്പിച്ചിരിക്കുന്നു.എല്ലാവരും അവരവരുടേതായ എന്തെങ്കിലും വില്‍ക്കുന്ന ഈ ലോകത്ത് സണ്ണി ലിയോണ്‍ വില്‍ക്കുന്നത് അവരുടെ സെക്‌സാണ്,അതിനെന്താണ് കുഴപ്പമെന്ന് അച്ഛനോട് മകള്‍ ചോദിക്കുന്നു.ഒരു വീടിന്റെ നാലു ചുവരുകള്‍ക്കുള്ളില്‍ ഒതുങ്ങി നില്‍ക്കുന്ന സംഭാഷണം മാത്രമാണ് ചിത്രമെങ്കിലും അതിന്റെ ഇതിവൃത്തം ഇന്നത്തെ ലോകത്തിലെ പെണ്‍കുട്ടികളുടെ ചിന്താഗതിയെയും സ്വാതന്ത്ര്യ ബോധത്തെയും കുറിച്ചാണ് പറയുന്നത്.യൂ ട്യൂബിലൂടെ റിലീസ് ചെയ്ത ചിത്രം സാമൂഹ്യമാധ്യമത്തില്‍ വൈറലാകുന്നുണ്ട്.

അധോലോകവും സെക്‌സും പ്രമേയമായി വരുന്ന തന്റെ വെബ് സീരിസ് ഈയടുത്താണ് രാംഗോപാല്‍ വര്‍മ്മ അനൗണ്‍സ് ചെയ്തത്.