കൊച്ചി മെട്രോയുടെ ഉദ്ഘാടന വേദിയില്‍ ഇടമില്ലാതെ ഇ ശ്രീധരന്‍

കൊച്ചി :മെട്രോയുടെ ഉദ്ഘാടന വേദിയില്‍ നിന്ന് ഇ ശ്രീധരനെയും കെ എം ആര്‍ എല്‍ എംഡി ഏലീയാസ് ജോര്‍ജ്ജ് ഉള്‍പ്പടെയുള്ളവരെ ഒഴിവാക്കി.സ്ഥലം എംഎല്‍എ പിടി തോമസ്,പ്രതിപക്ഷനേതാവ് രമേശ് ചെന്നിത്തല,മുന്‍മുഖ്യമന്ത്രി എന്നിവരെയും വേദിയില്‍ നിന്ന് ഒഴിവാക്കിയിട്ടുണ്ട്.പ്രധാനമന്ത്രി നരേന്ദ്ര മോദി,മുഖ്യമന്ത്രി പിണറായി വിജയന്‍,ഗവര്‍ണര്‍ പി.സദാശിവം,കേന്ദ്രമന്ത്രി വെങ്കയ്യ നായിഡു എന്നിവരുടെ പേരുകള്‍ മാത്രമാണ് ക്ഷണക്കത്തില്‍ ഉള്‍പ്പെടുത്തിയിരിക്കുന്നത്.ഇവരെ കൂടാതെ ഗതാഗത മന്ത്രി തോമസ് ചാണ്ടി,കെവി തോമസ് എംപി,കൊച്ചി മേയര്‍ സൗമിനി ജെയിന്‍ എന്നിവര്‍ക്ക് വേദിയിലിടമുണ്ട്.

ഉദ്ഘാടന വേദിയില്‍ ഉണ്ടാകേണ്ട 13 പേരുടെ പട്ടികയായിരുന്നു കെഎംആര്‍എല്‍ ആദ്യം തയ്യാറാക്കിയിരുന്നത്.എന്നാല്‍ എസ്പിജി സുരക്ഷ ഉന്നയിച്ചതിനെ തുടര്‍ന്ന് അത് ചുരുക്കുകയായിരുന്നു.എന്നാല്‍ മുന്‍പ് മന്‍മോഹന്‍ സിങ് ഉദ്ഘാടനത്തിനെത്തിയപ്പോള്‍ സുരക്ഷാ പ്രശ്‌നങ്ങളൊന്നും ഉന്നയിച്ചിരുന്നില്ല,മാത്രമല്ല അന്ന് ക്രീധരനും വേദിയിലുണ്ടായിരുന്നു. എന്നാല്‍ നടപടിയില്‍ അസ്വാഭാവികതയില്ലെന്നും പരാതിയില്ലെന്നും ഇ ശ്രീധരന്‍ പ്രതികരിച്ചു.