ശബരമില പുതിയ കൊടിമരത്തിനു കേടുപാട്:സംഭവത്തിനു പിന്നില്‍ മൂന്നംഗ സംഘം?

സന്നീധാനത്ത് ഇന്ന് പുനപ്രതിഷ്ഠ നടത്തിയ കൊടിമരത്തിന് കേടുപാട്.കൊടിമരത്തില്‍ ചിലഭാഗത്താണ് നിറം മാറ്റം കണ്ടെത്തിയത്.രാസപദാര്‍ത്ഥം ഉപയോഗിച്ച് നിറം മാറ്റം വരുത്തിയതായാണ് സൂചന.ഇന്ന് 11.50 ഓടെ പുനപ്രതിഷ്ഠ നടത്തിയ സ്വര്‍ണ്ണ കൊടിമരത്തിന്റെ പഞ്ചവര്‍ഗ തറയില്‍ മെര്‍ക്കുറി എറിഞ്ഞ് കേടുപാടു വരിത്തയെന്നാണ് കണ്ടെത്തല്‍.പദാര്‍ത്ഥം വീണ തറയിലെ സ്വര്‍ണ്ണം ഉരുകി തറ ദ്രവിച്ചു.പ്രതി.ഷ്ഠ നടന്ന ശേഷമുള്ള സിസിടിവി ദൃശ്യങ്ങളില്‍ നിന്ന് മൂന്നംഗ സംഘമാണ് ഇതിനു പിന്നിലെന്നു വ്യക്തമായിട്ടുണ്ട്.പ്രതിഷ്ടയോടനുബന്ധിച്ച് സ്ഥലത്തുണ്ടായിരുന്ന ദേവസ്വം മന്ത്രി കടകംപള്ളി സുരേന്ദ്രനുമ ,ദേവസ്വം പ്രസിഡന്റ് പ്രയാര്‍ ഗോപാലകൃഷ്ണനും സംഭവം അറിഞ്ഞയുടന്‍ സ്ഥലത്തെത്തി സ്ഥിതിഗതികള്‍ വിലയിരുത്തുക.യും ഡിജിപിയ്ക്കു പരാതി നല്‍കുകയും ചെയ്തു.ഇതു സംബന്ധിച്ചുള്ള അന്വേഷണ ചുമതല പത്തനംതിട്ട ഡിജിപി എസ്പിയ്ക്കു കൈമാറിയിട്ടുണ്ട്. സിസിടിവി ദൃശ്യങ്ങളില്‍ ദ്രാവകം എറിയുന്നതായി കണ്ടെത്തിയ മൂന്നംഗ സംഘത്തിനെ കണ്ടെത്താനുള്ള ശ്രമം ഊര്‍ജ്ജിതമാക്കിയിട്ടുണ്ട്.സംഭവത്തിനു പിന്നില്‍ ഏതെങ്കിലും തരത്തിലുള്ള കുടിപ്പകയുണ്ടോയെന്നും പൊലീസ് അന്വേഷിക്കുന്നുണ്ട്.