സൗദിയില്‍ വാഹനാപകടത്തില്‍ മൂന്ന് മലയാളികള്‍ മരിച്ചു

സൗദിയില്‍ മക്ക -മദീന റോഡില്‍ ഖുലൈസിനടുത്ത് വാഹനാപകടത്തില്‍ ഒരു കുടുംബത്തിലെ മൂന്നു പേര്‍ മരിച്ചു.

തൃശൂര്‍ വെള്ളികുളങ്ങര സ്വദേശികളായ കറുപ്പന്‍ വീട്ടില്‍ അഷ്‌റഫ്, ഭാര്യ റസിയ, മകന്‍ ഹഫ്‌നാസ് അഷ്‌റഫ് എന്നിവരാണു മരിച്ചത്. ഇവരുടെ മറ്റു രണ്ടു മക്കള്‍ നിസാര പരുക്കുകളോടെ രക്ഷപെട്ടു..

ദമാമില്‍ ടാക്‌സി ഡ്രൈവറായ അഷ്‌റഫിന്റെ കുടുംബം നാലു ദിവസം മുന്‍പാണ് ഉംറ നിര്‍വ്വഹിക്കാനായി സൗദിയിലെത്തിയത്.ഉംറ നിര്‍വ്വഗിച്ച ശേഷം മക്കയിലെ ഹറം പള്ളി സന്ദര്‍ശിക്കുന്നതിനായി പോകും വഴിയാണ് അപകടമുണ്ടായത്.മൃതദേഹങ്ങള്‍ ഖുലൈസിലെ ആശുപത്രിയില്‍ സൂക്ഷിച്ചിരിക്കുകയാണ്.