ഭാഗ്യദിനത്തില്‍ ‘താര വിവാഹം’ തക്കലയില്‍

കോണ്‍ഗ്രസിന്റെ യുവതാരവും ഡോക്ടര്‍ എം റ്റി സുലേഖയുടെയും അന്തരിച്ച കോണ്‍ഗ്രസ് നേതാവ് ജി.കാര്‍ത്തികേയന്റേയും മകനുമായ കെഎസ് ശബരീനാഥന്‍ എംഎല്‍എയും തിരുവനന്തപുരം സബ്കലക്ടര്‍ ദിവ്യ എസ് അയ്യരും വിവാഹിതരായി.കന്യാകുമാരി തക്കല കുമാരകോവിലില്‍ ബന്ധു മിത്രാദികളുടെ സാനിധ്യത്തില്‍ ലളിതമായ ചടങ്ങുകളോടെ .രാവിലെ ഒന്‍പതരയോടെയുള്ള ശുഭമുഹൂര്‍ത്തത്തിലായിരുന്നു വിവാഹം.

ശബരിയുടെ ഭാഗ്യദിനമായ ജൂണ്‍ 30 ന് തന്നെയായിരുന്നു വിവാഹമെന്നതും ശ്രദ്ധേയമാണ്.അരുവിക്കര ഉപതിരഞ്ഞെടുപ്പില്‍ കരുത്തരായ സിപിഎം ബിജെപി സ്ഥാനാര്‍ത്ഥികളുമായുള്ള ശക്തമായ പോരാട്ടിത്തിനൊടുവില്‍ 2015 ജൂണ്‍ 30 നായിരുന്നു ശബരിയുടെ കന്നി വിജയം ഇന്ന് വൈകുന്നേരം തിരുവനന്തപുരം നാലാഞ്ചിറ ഗിരിദീപം കണ്‍വെന്‍ഷന്‍ സെന്ററില്‍ വെച്ച് വിവാഹ സല്‍ക്കാരം നടക്കും

പ്രതിപക്ഷ നേതാവ് രമേശ് ചെന്നിത്തല,മുന്‍മുഖ്യമന്ത്രി ഉമ്മന്‍ചാണ്ടി,മുതിര്‍ന്ന കോണ്‍ഗ്രസ് നേതാക്കളായ വിഡി സതീശന്‍,കെസിജോസഫ്,ആന്റോ ആന്റണി തുടങ്ങിയവര്‍ ചടങ്ങില്‍ പങ്കെടുത്തു.