പുതിയ മദ്യനയം നിലവില്‍:പൂട്ടിക്കിടന്ന ബാറുകള്‍ പ്രവര്‍ത്തനം ആരംഭിച്ചു

സംസ്ഥാനത്ത് രണ്ടര വര്‍ഷം പൂട്ടിക്കിടന്ന ബാറുകള്‍ ഇന്ന് പ്രവര്‍ത്തനം ആരംഭിച്ചു. ഇടതു സര്‍ക്കാറിന്റെ പുതിയ മദ്യനയത്തിന്റെസ ഭാഗമായി സംസ്ഥാനത്ത് 77 ബാറുകള്‍ പ്രവര്‍ത്തിച്ചു തുടങ്ങി. തിരുവനന്തപുരം-11, കൊല്ലം-3, ആലപ്പുഴ-2, എറണാകുളം-20, കോട്ടയം-6, തൃശൂര്‍-9, പാലക്കാട്-6, മലപ്പുറം-4, കോഴിക്കോട്-5, കണ്ണൂര്‍-8, വയനാട്-2, ഇടുക്കി-1 എന്നിങ്ങനെയാണ് തുറന്നു പ്രവര്ത്തി ക്കുന്ന ബാറുകളുടെ ജില്ല തിരിച്ചുള്ള എണ്ണം. ജൂലൈ ഒന്നു മുതലാണ് മദ്യനയം നിലവില്‍ വന്നതെങ്കിലും ശനിയാഴ്ച ഡ്രൈഡേ ആയതിനാലാണ് ഞായറാഴ്ച ബാറുകള്‍ തുറക്കുന്നത്. 23 ത്രീ സ്റ്റാര്‍-ഫോര്‍ സ്റ്റാര്‍ ബാറുകളും 24 ഫൈവ് സ്റ്റാര്‍ ബാറുകളും ഉള്‌പ്പെടടെ ആകെ നൂറോളം ബാറുകളാണ് സംസ്ഥാനത്ത് പ്രവര്ത്തിയക്കുന്നത്.

നിലവില്‍ എറണാകുളം ജില്ലയിലാണ് ഏറ്റവും കൂടുതല്‍ ബാറുകള്‍ തുറക്കുന്നത്, 20 ബാറുകളാണ് ഇന്ന് രാവിലെ മുതല്‍ തുറന്നു പ്രവര്‍ത്തിക്കുക. ഇടുക്കി ജില്ലയില്‍ ഒരു ബാര്‍ മാത്രമാവും തുറക്കുക. രാവിലെ 11 മണി മുതല്‍ രാത്രി 11 മണി വരെയാണ് ബാറുകളുടെ പ്രവര്‍ത്തന സമയം. ടൂറിസം മേഖലയില്‍ ഇത് രാവിലെ 10 മുതല്‍ രാത്രി 11 മണി വരെയും. ത്രീ സ്റ്റാര്‍ നിലവാരം മുതല്‍ക്കുള്ള 77 ബാറുകള്‍ക്കാണ് തുറന്നു പ്രവര്‍ത്തിക്കാന്‍ അനുമതി നല്‍കിയിരിക്കുന്നത്. 77 ബാറുകള്‍ക്കും 3409 കളളുഷാപ്പുകള്‍ക്കുമാണ് കഴിഞ്ഞ ദിവസം വരെ അനുമതി നല്‍കിയത്. കഴിഞ്ഞ ദിവസം തന്നെ തുറന്നു പ്രവര്‍ത്തിക്കാനുള്ള നടപടികള്‍ ബാറുടമകള്‍ പൂര്‍ത്തിയാക്കിയിരുന്നു