അശാന്തമായി അതിര്‍ത്തി:ഇന്‍ഡ്യയ്ക്കു നേരേ ചൈനയുടെ ഭീഷണി:രാജ്യം യുദ്ധ നിഴലില്‍?

1962നേക്കാള്‍ വലിയ നഷടം ഇന്ത്യക്ക് നേരിടേണ്ടി വരുമെന്ന ഭീഷണി മുഴക്കി ചൈനീസ് മാധ്യമം. ചൈനയുടെ ദേശീയ മാധ്യമമായ ഗ്ലോബല്‍ ടൈംസിന്റെ മുഖപ്രസംഗത്തിലാണ് ഇന്ത്യക്കുള്ള മുന്നറിയിപ്പ്. സിക്കിമിലെ അതിര്‍ത്തി പ്രശ്‌നത്തില്‍ അന്താരാഷ്ട്ര സമൂഹത്തിനു മുന്നില്‍ ഇന്ത്യ ലജ്ജയില്ലാതെ പെരുമാറുന്നതെന്നും മുഖപ്രസംഗത്തില്‍ ആരോപിക്കുന്നു.

ഡോങ്‌ലോങ്ങില്‍ സൈന്യത്തിന്റെ ശക്തി തെളിയിക്കാമെന്ന് ന്യൂഡല്‍ഹി കരുതുന്നുണ്ടെങ്കില്‍ തങ്ങളും യുദ്ധമുഖത്ത് സജ്ജരാകും. ചൈനയും സൈന്യത്തിന്റ ശക്തി തെളിയിക്കുമെന്നു തന്നെയാണ് ഇന്ത്യയോട് പറയാനുള്ളത്. 1962 ലെ ഇന്ത്യയല്ല 2017 ലെ ഇന്ത്യയെന്ന ധനകാര്യമന്ത്രി അരുണ്‍ ജെയ്റ്റ്‌ലിയുടെ പ്രസ്താവന ശരിയാണ്. കാരണം അന്നത്തേതിനേക്കാള്‍ വലിയ നഷ്ടമാണ് ഇന്നു സൈന്യം നേരിടാന്‍ പോവുന്നത്- മുഖപ്രസംഗം താക്കീത് ചെയ്യുന്നു. ചൈനയുടെ ഡോങ്‌ലോങ് ഏരിയയെ തര്‍ക്ക മേഖലയാക്കി അതിലൂടെയുളള റോഡ് നിര്‍മാണം തടയാനാണ് ഇന്ത്യ ശ്രമിക്കുന്നത്. സിലിഗുരി കോറിഡോര്‍ വിച്ഛേദിച്ചുകൊണ്ടാണ് ചൈന റോഡ് നിര്‍മ്മാണം നടത്തുന്നതെന്ന സംശയത്തിന്റെ പേരിലാണ് ഇന്ത്യ ശീതയുദ്ധത്തിന് തുടക്കമിട്ടിരിക്കുന്നതെന്നും മുഖപ്രസംഗത്തില്‍ കുറ്റപ്പെടുത്തുന്നു. പ്രക്ഷുബ്ധമായ വടക്കുകിഴക്കന്‍ സംസ്ഥാനങ്ങളെ നിയന്ത്രിക്കുന്നതിന് നയതന്ത്രപ്രധാനമായ മേഖലയായതുകൊണ്ടാണ് ഇന്ത്യ സിലിഗുരി കോറിഡോര്‍ കടന്നുപോകുന്ന പ്രദേശത്തെ കൈവശപ്പെടുത്തിയിരിക്കുന്നതെന്നും ഇതില്‍ ചൂണ്ടിക്കാണിക്കുന്നു.

ഭൂട്ടാന്‍ പ്രദേശമായ ഡോക്ലയെ ചൊല്ലിയാണ് ഇരുരാജ്യങ്ങളും തമ്മില്‍ തര്‍ക്കമുടലെടുത്തത്. ഡോക്ല ചൈനയുടെ കൈവശമുള്ള ഡോങ്‌ലോങ് മേഖലയുടെ ഭാഗമാണെന്നാണ് ചൈനീസ് വാദം