ദിലീപിനെതിരെ ഇതുവരെ പൊലീസിന്റെ കൈയ്യില്‍ ഒരു തെളിവുമില്ല;എല്ലാം ഐജി ബി സന്ധ്യയുടെ പബ്ലിസിറ്റ് സ്റ്റണ്ട്:ടി പി സെന്‍കുമാര്‍

അടിസ്ഥാനപരമായി നടിയെ ആക്രമിച്ച കേസില്‍ നടന്‍ ദിലീപിനെതിരെ യാതൊരു തരത്തിലുള്ള തെളിവുകളും ഇതുവരെ അന്വേഷണ സംഘത്തിനു ലഭിച്ചിട്ടില്ലെന്ന് സ്ഥാനമൊഴിഞ്ഞ ഡിജിപി ടിപിസെന്‍കുമാര്‍.ഇതെല്ലാം ഐജി ബി സന്ധ്യയുടെ പബ്ലിസിറ്റിയ്ക്കു വേണ്ടി ചെയ്തതാണ്.ഐജി ബി സന്ധ്യയാണ് ഈ കേസ് അന്വേഷിക്കുന്നതെങ്കില്‍ ചിലപ്പോള്‍ കേസ് തുലഞ്ഞു പോകാനും സാധ്യതയുണ്ടെന്ന്# സമകാലീകമലയാളം ഓണ്‍ലൈനിനു നല്‍കിയ അഭിമുഖത്തില്‍ അദ്ദേഹം പറഞ്ഞു.

അന്വേഷണ ഉദ്യോഗസ്ഥനായ ദിനേശ് കശ്യപിനെ പോലും അറിയിക്കാതെയായിരുന്നു ദിലീപിനെ ചോദ്യം ചെയ്തത്.അതുകൊണ്ടാണ് സന്ധ്യതന്നെ ഈ കേസ് അന്വേഷിക്കണ്ടെന്ന് താന്‍ ഓര്‍ഡറിട്ടതെന്നും സെന്‍കുമാര്‍ പറയുന്നു.

ഇതുവരെ ഈ കേസില്‍ സര്‍ക്കാരിന്റസിപിഎമ്മിന്റെയോ ഇടപെടല്‍ ഈ കേസിലുണ്ടായിട്ടില്ലെന്നും സന്ധ്യയ്ക്ക് സ്വാമിയുടെ കേസിലൊക്കെയുണ്ടായ ബാഡ് ഇമേജ് പരിഹരിക്കുന്നതിനുള്ള ഇടപെടല്‍ മാത്രമാണ് നടികേസിലെ ഒരേയൊരു സംഭവമന്നെും സെന്‍കുമാര്‍ പറയുന്നു.നടികേസില്‍ ദിലീപിനെ 13 മണിക്കൂര്‍ ചോദ്യം ചെയ്യുകയാണെങ്കില്‍ സ്വാമിയുടെ കേസില്‍ സന്ധ്യയെ എത്രമണിക്കൂര്‍ ചോദ്യം ചെയ്യേണ്ടിവരുമെന്നും മുന്‍ ഡിജിപി ചോദിക്കുന്നു.സസ്വാമിയുടെ കേസില്‍ സന്ധ്യയ്‌ക്കെതിരെ തനിക്ക് ഒരുപാട് പരാതികള്‍ കിട്ടിയിരുന്നു,പക്ഷെ ഞാന്‍ സന്ധ്യയെ സംരക്ഷിച്ചിട്ടേയുള്ളുവെന്നും സെന്‍കുമാര്‍ പറഞ്ഞു.തനിക്കു വേണമെങ്കില്‍ ഇത്ര സെന്‍സേഷണലായ കേസ് മുഖ്യമന്ത്രിയോടു പോലും ചോദിക്കാതെ ക്രൈംബ്രാഞ്ചിന് വിടാമായിരുന്നു എന്നദ്ദേഹം പറഞ്ഞു.

പിന്നെ നാദിര്‍ഷാ തച്ചങ്കരിയെ കണ്ടു എന്നതു നേരാണെന്നും പക്ഷെ അവര്‍ തമ്മില്‍ നേരത്തേ കാസറ്റ് റിലീസുമായി ബന്ധപ്പെട്ടുള്ള അടുപ്പമൊക്കെ വെച്ചാണ് അവര്‍ തമ്മില്‍ കണ്ടതെന്നും സെന്‍കുമാര്‍ പറയുന്നു.