ജമ്മു കാശ്മീരില്‍ അമര്‍നാഥ് തീര്‍ത്ഥാടകര്‍ക്കു നേരേ ഭീകരാക്രമണം: ഏഴുപേര്‍ കൊല്ലപ്പെട്ടു

ജമ്മു കാശ്മീരില്‍ അമര്‍നാഥ് തീര്‍ത്ഥാടകര്‍ക്കു നേരേ ഭീകരര്‍ നടത്തിയ ആക്രമണത്തില്‍ ഏഴു പേര്‍ കൊല്ലപ്പെട്ടു.പന്ത്രണ്ടോളം പേര്‍ക്കു പരിക്കേറ്റു.

രാത്രി എട്ടു മണിയോടെയായിരുന്നു ആക്രമണം. രണ്ടു പേര്‍ സംഭവസ്ഥലത്തുവച്ചു തന്നെ മരിച്ചു. മറ്റുള്ളവര്‍ ആശുപത്രിയിലേക്കുള്ള വഴിമദ്ധ്യേയാണ് മരിച്ചതെന്ന് ഐ.ജി മുനീര്‍ ഖാന്‍ അറിയിച്ച

പൊലീസ് സംരക്ഷണത്തില്‍ അമര്‍നാഥിലേക്കു പോകുകയായിരുന്ന തീര്‍ഥാടകര്‍ക്കു നേരെയാണ് ആക്രമണമുണ്ടായത്. ഗുജറാത്തില്‍ നിന്നുള്ള തീര്‍ഥാടകരാണ് ആക്രമണത്തിന് ഇരയായതെന്നാണ് പ്രാഥമിക വിവരം. 17 തീര്‍ഥാടകരുമായി ബാര്‍ത്താലില്‍ നിന്ന് മിര്‍ ബസാറിലേക്കു പോകുകയായിരുന്ന ബസിനു നേരെയായിരുന്നു ആക്രമണം.

ഹിസ്ബുല്‍ മുജാഹിദ്ദീന്‍, ലഷ്‌കറെ ത്വയിബ എന്നീ ഭീകരസംഘടനകള്‍ സംയുക്തമായി നടത്തിയ ആക്രമണമാണിതെന്നാണ് വിവരം. മൂന്നു പേരാണ് ആക്രമണം നടത്തിയ സംഘത്തില്‍ ഉണ്ടായിരുന്നതെന്നും റിപ്പോര്‍ട്ടുകള്‍ സൂചിപ്പിക്കുന്നു.