ദിലീപിന്റെ പേരിലുള്ളത് ചരിത്രത്തിലെ ആദ്യത്തെ ക്വട്ടേഷന്‍ റേപ്പ് കേസ്…!

കൊച്ചിയില്‍ നടി ആക്രമിക്കപ്പെട്ട സംഭവം പരിശോധിക്കുകയാണെങ്കില്‍ ഒരു കാര്യം വ്യക്തമാകും. കേരളത്തില്‍ എന്ന അല്ല, ലോകചരിത്രത്തില്‍ തന്നെ വളരെ അപൂര്‍വ്വമായൊരു കേസ്സായിരിക്കും ഇത്. കാരണം, ഒരു സ്ത്രീയെ ബലാത്സംഗം ചെയ്യാന്‍ ക്വട്ടേഷന്‍ നല്‍കി എന്ന കേസ് എവിടെയും കേട്ട് പരിചയമില്ല എന്നത് തന്നെ. അതുകൊണ്ട് തന്നെ നടി ആക്രമിക്കപ്പെട്ട കേസ് അപൂര്‍വ്വങ്ങളില്‍ അപൂര്‍വ്വമായി നമ്മുടെ നിയമചരിത്രത്തില്‍ രേഖപ്പെടുത്തും.

കോടതി ഈ കേസ് പരിഗണിക്കുമ്പോള്‍ പ്രധാനഘടകമായി ഉന്നയിപ്പെടുന്നതും ഈ അപൂര്‍വ്വത തന്നെ ആയിരിക്കും. അങ്ങനെ ആപൂര്‍വ്വത എന്ന വാദം കോടതിയുടെ ഭാഗത്ത് നിന്നും ഉണ്ടായാല്‍ ജീവപര്യന്തം ശിക്ഷവരെ കിട്ടാമെന്നാണ് നിയമ വിദഗ്ദര്‍ പറയുന്നത്. ഈ കേസ്സില്‍ കുറ്റം തെളിയിക്കപ്പെട്ടാല്‍ ബലാത്സംഗം, വധശ്രമം, ഗൂഢാലോചന, സാമ്പത്തിക കുറ്റകൃത്യം എന്നി വകുപ്പുകളും ചുമത്തും.

ആക്രമിക്കപ്പെട്ട നടിയും ദിലീപും തമ്മിലുള്ള ബിനാമി ഇടപാടും പൊലീസ് അന്വേഷിക്കുന്നുണ്ട്. ഈ കേസ്സ് തെളിഞ്ഞാല്‍ കൂടുതല്‍ പ്രതികള്‍ പൊലീസ് വലയിലാകുമെന്നാണ് സൂചന. വന്‍ തോതിലുള്ള ഭൂമി ഇടപാടിന് പണം എവിടെ നിന്നെന്ന ചോദ്യത്തിന് വ്യക്തമായ ഉത്തരം ലഭിച്ചില്ലെന്നാണ് സൂചന. അതിനാല്‍ തന്നെ രണ്ടാംഘട്ട അന്വേഷണം ബിനാമി ഇടപാടുകളെ കേന്ദ്രീകരിച്ചായിരിക്കുമെന്നാണ് റിപ്പോര്‍ട്ടുകള്‍.