ദിലീപ് കുടുങ്ങിയത് ഈ ചോദ്യങ്ങള്‍ക്കൊടുവില്‍….?

നടി ആക്രമിക്കപ്പെട്ട കേസ്സില്‍ ദിലീപ് പൊലീസ് പിടിയിലാകാന്‍ കാരണം അമിത ആത്മവിശ്വാസവും എടുത്ത് ചാട്ടവും തന്നെ. ജനപ്രിയന്‍ എന്ന ലേബലില്‍ എല്ലാ മുഖത്ത് ശാന്തഭാവം വരുത്തി നിരപരാധി എന്ന മട്ടില്‍ നൈയിസായിട്ട് കേസ്സില്‍ നിന്നും ഒഴിവാകാം എന്നായിരുന്നു ദിലീപ് എന്ന മികച്ച അഭിനേതാവിന്റെ കണക്കുകൂട്ടല്‍. പക്ഷെ, അന്വേഷണ ഉദ്യോഗസ്ഥരുടെ ചോദ്യങ്ങള്‍ക്ക് മുന്നില്‍ അധിക നേരം നടിക്കാന്‍ കഴിഞ്ഞില്ല എന്ന് സാരം.

ദിലീപിനെ കുടുക്കിയത് വെറും നാലേ നാല് ചോദ്യങ്ങൾക്കൊടുവിൽ. ആ ചോദ്യത്തിന് പിന്നില്‍ പ്രവര്‍ത്തിച്ച് ബുദ്ധി പൊലീസ് മേധാവി ലോക്നാനാഥ് ബെഹ്റയുടേത് തന്നെ. ബെഹ്റയുടെ ചോദ്യങ്ങൾക്ക് മുന്നിൽ ജനപ്രിയ നായകൻ ദിലീപിന് അടിപതറിപ്പോവുകയായിരുന്നു.

മൂന്ന് ചോദ്യങ്ങൾ കഴിഞ്ഞതോടെ ദിലീപിന്റെ പങ്ക് പൊലീസിന്‍ വ്യക്തമായിരുന്നുവെന്ന റിപ്പോര്‍ട്ടുകള്‍ പുറത്ത് വന്നിരുന്നു. നാലാം ചോദ്യത്തിന് ദിലീപിന് ഉത്തരം നൽകാനും കഴിഞ്ഞില്ല. തിങ്കളാഴ്ച വീഡിയോ കോൺഫറൻസിലൂടെയാണ് ബെഹ്റയുടെ ചോദ്യം ചെയ്യൽ. നടി ആക്രമിക്കപ്പെട്ട ദിവസത്തെ ദിലീപിന്റെ പ്രവർത്തനങ്ങൾ സംബന്ധിച്ച മൊഴിയുടെ അടിസ്ഥാനത്തിലായിരുന്നു ചോദ്യം ചെയ്യൽ.

വെറും നാലേ നാല് ചോദ്യങ്ങൾ മാത്രമായിരുന്നു വീഡിയോ കോൺഫറൻസിലൂടെ ബെഹ്റ ചോദിച്ചത്. അറസ്റ്റിന് മുമ്പുള്ള സ്ഥിരീകരണം മാത്രമായിരുന്ന ഈ ചോദ്യം ചെയ്യൽ. ബെഹറ ചോദിച്ച മൂന്ന് ചോദ്യങ്ങളിൽ തന്നെ ദിലീപിന്റെ മൊഴിയിൽ വൈരുദ്ധ്യം കണ്ടെത്തിയിരുന്നു. നാലാമത്തെ ചോദ്യത്തിന് ദിലീപിന് ഉത്തരം ഇല്ലായിരുന്നു. ഇതോടെയാണ് അറസ്റ്റ് ചെയ്യാൻ ബെഹ്റ നിര്‍ദ്ദേശം നല്‍കിയത്.

* ബ്ലക്ക് മെയില്‍ പരാതിയുമായി പൊലീസിനെ സമീപിച്ചത്

* ബ്ലാക്ക് മെയില്‍ കത്തില്‍ ഭീഷണി അല്ല, കൃത്യമായ ബന്ധത്തിന്റെ സൂചനയെന്ന് പൊലീസ്

* സുനി രണ്ട് കോടി രൂപ ആവശ്യപ്പെട്ടു. പക്ഷെ, എപ്പോള്‍ എങ്ങനെ എന്ന കാര്യത്തില്‍ വ്യക്തതയില്ല

* മൊഴിയെടുക്കാന്‍ ചെന്ന ദിലീപിനെ 13 മണിക്കൂര്‍ ചോദ്യം ചെയ്തിട്ടും ഒരിക്കല്‍ പോലും എതിര്‍ത്തില്ല. സംഭവത്തില്‍ പങ്ക് ഇല്ലെങ്കില്‍ പ്രതിഷേധിച്ചേനെ എന്നാണ് പൊലീസ് വിലയിരുത്തല്‍

* ചോദ്യം ചെയ്യലിനൊടുവില്‍ രക്ഷിക്കണമെന്ന് പൊലീസ് ഉദ്യോദസ്ഥരോട് പറഞ്ഞത്

* പല തെളിവുകള്‍ നിരത്തിയിട്ടും സുനിയെ അറിയില്ലെന്ന നിലപാടില്‍ ഉറച്ച് നിന്നത്.