മുഖ്യമന്ത്രിയേക്കാള്‍ തിരക്ക് മന്ത്രി തോമസ് ചാണ്ടിക്കോ?

ഉഴവൂര്‍ വിജയന്റെ മരണാനന്തര കര്‍മ്മങ്ങളില്‍ ആദ്യാവസാനം പങ്കെടുക്കേണ്ടിയിരുന്ന പ്രധാന വ്യക്തികളിലൊരാളായിരുന്നു എന്‍ സി പിയുടെ മന്ത്രി തോമസ് ചാണ്ടി.

എന്നാല്‍സ്വന്തം പാര്‍ട്ടിയുടെ സംസ്ഥാന പ്രസിഡന്റിന്റെ മരണാനന്തര കര്‍മ്മങ്ങളില്‍ പൂര്‍ണമായും പങ്കെടുക്കാതെ തോമസ് ചാണ്ടി എവിടെയായിരുന്നുവെന്ന് ജനകീയ പ്രതികരണവേദിയാണ് ചോദിക്കുന്നത്.ഇത്ര മനസാക്ഷിയില്ലാത്ത ഒരു മന്ത്രി എന്‍സിപിയ്ക്ക് എന്തിനാണെന്നാണ് ജനകീയ പ്രതികരണ വേദിയുടെ ചോദ്യം.എന്‍സിപിക്കാര്‍ക്ക് നാണമില്ലേയെന്നും,ആത്മാഭിമാനം ഉണ്ടെങഅകില്‍ പ്രതികരിക്കാനുമാണ് അവര്‍ ആവശ്യപ്പെടുന്നത്.

മുഖ്യമന്ത്രിയും മുന്‍മന്ത്രിമാരും പ്രതിപക്ഷ നേതാവും മന്ത്രിമാരും എംഎല്‍എ മാരും കക്ഷി രാഷ്ട്രീയ ഭേദമെന്യേ സകല നേതാക്കന്‍മാരും മതനേതാക്കളും ഉഴവൂര്‍ വിജയന് അന്ത്യോപചാരം അര്‍പ്പിക്കാന്‍ കാത്തു നിന്നപ്പോള്‍ കോടീശ്വരനായ നാണം കെട്ട മന്ത്രി തോമസ് ചാണ്ടിയുടെ അസാനിധ്യം ഏറെ ശ്രദ്ധിക്കപ്പെട്ടിരുന്നു.

പിണറായി മന്ത്രി സഭയില്‍ എന്‍ സി പിയുടെ മന്ത്രിയായിരുന്ന ഏകെ ശശീന്ദ്രന്‍ മംഗളം ചാനലിന്റെ പെണ്‍കുരുക്കില്‍ പുറത്തു പോയ ഒഴിവിലാണ് തോമസ് ചാണ്ടി മന്ത്രിയായത്.ശതകോടീശ്വരനായ തോമസ് ചാണ്ടി മന്ത്രിയാകുന്നതില്‍ പാര്‍ട്ടിക്കുള്ളിലും ഇടതുപക്ഷത്തു തന്നെയും ഒരു വിഭാഗത്തിന് കടുത്ത പ്രതിഷേധമുണ്ടായിരുന്നു.എന്നാല്‍ അത്തരത്തിലുള്ള എല്ലാ പ്രതിസന്ധികളെയും തരണം ചെയ്താണ് തോമസ് ചാണ്ടി മന്ത്രിയാകുന്നത്.