മുഖ്യമന്ത്രി ഇന്ന് ആർഎസ്എസ് -ബിജെപി നേതാക്കളുമായി ചർച്ച നടത്തും

തലസ്ഥാനത്തെ ആക്രമണങ്ങളുടെ പശ്ചാത്തലത്തിൽ മുഖ്യമന്ത്രി പിണറായി വിജയൻ ഇന്ന് ബിജെപി-ആർഎസ്എസ് നേതാക്കളുമായി ചർച്ച നടത്തും.ബിജെപി സംസ്ഥാന അധ്യക്ഷൻ കുമ്മനം രാജശേഖരൻ,ഒ രാജഗോപാൽ എംഎൽഎ,ആർഎസ്എസ് നേതാക്കൾ എന്നിവരുമായാണ് മുഖ്യമന്ത്രിയുടെ കൂടിക്കാഴ്ച

തിരുവനനന്തപുരത്ത് സിപിഎം-ബിജെപി സംഘർഷം രൂക്ഷമാകുകയും ബിജെപി ഓഫീസ് ആക്രമണവും തുടർന്ന് ആർഎസ്എസ് നേതാവിന്റെ കൊലപാതകവും സംസ്ഥാനത്തെ സമാധാനന്തരീക്ഷം വഷളാക്കിയ പശ്ചാത്തലത്തിൽ ഗവർണർ ഇന്നലെ മുഖ്യമന്ത്രി പിണറായി വിജയനെയും ഡിജിപി ലോക്‌നാഥ് ബെഹ്‌റയെയും രാജ് ഭവനിലേക്ക് വിളിപ്പിച്ചിരുന്നു.സമാധാനം പുലർത്താൻ ജാഗ്രത വേണമെന്ന് ഗവർണർ നിർദ്ദേശം നൽകിയിരുന്നു

.ഗവർണറുമായുള്ള കൂടിക്കാഴ്ചയിലാണ് ബിജെപി-ആർഎസ്എസ് നേതാക്കളുമായി ചർച്ച നടത്തുന്നതിന് മുഖ്യമന്ത്രി താൽപര്യം പ്രകടിപ്പിച്ചത്.