മുത്തലാഖ് ഭരണഘടനാ വിരുദ്ധം:നിയമ നിര്‍മ്മാണം നടത്തണമെന്ന് കേന്ദ്രത്തോട് സുപ്രിംകോടതി

മുസ്ലിം സ്ത്രീകളുടെ മൗലികാവകാശവും അന്തസ്സും ലംഘിക്കുന്നതാണോ മുത്തലാഖ് എന്ന വിഷയത്തില്‍ നിലപാടു വ്യക്തമാക്കി സുപ്രീം കോടതി ഭരണഘടനാ ബെഞ്ച്.

മുത്തലാഖ് ഭരണഘടനാ വിരുദ്ധമാണെന്ന് മൂന്നില്‍ രണ്ടു ജഡ്ജിമാര്‍ നിരീക്ഷിച്ചു. അടുത്ത ആറു മാസത്തേക്ക് മുത്തലാഖ് വഴിയുള്ള വിവാഹമോചനം നിരോധിക്കുകയും ചെയ്തു. ഈ ആറു മാസത്തിനുള്ളില്‍ മുസ്‌ളീം വിവാഹ മോചനത്തായി പുതിയതായി ഒരു പാര്‍ലമെന്റ് നിയമം കൊണ്ടുവരാന്‍ കേന്ദ്ര സര്‍ക്കാരിനോട് കോടതി നിര്‍ദ്ദേശിക്കുകയും ചെയ്തു.കൂടാതെ നിയമം പാസാക്കിയില്ലെങ്കില്‍ നിരോധനം തുടരുകയും ചെയ്യും. വിവിധ മുസ്ലിം രാജ്യങ്ങളില്‍ മുത്തലാഖ് നിയമവിരുദ്ധമാണ്. പിന്നെന്തുകൊണ്ടാണ് ഇന്ത്യയ്ക്ക് അതില്‍നിന്നു മാറാനാകാത്തത്? സുപ്രീം കോടതി ചോദിച്ചു. ആയിരം പേജോളം വരുന്നതായിരുന്നു സുപ്രീം കോടതിയുടെ വിധി ന്യായം....

മുസ്‌ളീം വ്യക്തി നിയമ ബോര്‍ഡിനോടും ഈ ആവശ്യം കോടതി നിര്‍ദ്ദേശിച്ചിട്ടുണ്ട്. കൂടാതെ ആറുമാസത്തേക്ക് മുത്തലാഖിന് വിലക്കേര്‍പ്പെടുത്തുകയും ചെയ്തു.അഞ്ചംഗ ഭരണഘടന ബെഞ്ചിലെ മൂന്ന് ജഡ്ജിമാരാണ് മുത്തലാഖ് ഭരണഘടന വിരുദ്ധമാണെന്ന സുപ്രധാന വിധി പുറപ്പെടുവിച്ചത്.മലയാളിയായ ജസ്റ്റീസ് കുര്യന്‍ ജോസഫ്, റോഹില്ടധണ്‍ നരിമാന്‍, യു.യു.ലളിത് എന്നിവരാണ് മുത്തലാഖ് ഭരണഘടനാ വിരുദ്ധമാണെന്ന വിധി പുറപ്പെടുവിച്ചത്

മുത്തലാഖ് നിരോധിക്കാന്‍ ആവശ്യമെങ്കില്‍ ആറുമാസത്തിനകം നിയമനിര്‍മാണം നടത്തണമെന്നു ജഡ്ജിമാരായ ജെ.എസ്. കേഹാറും ജസ്റ്റിസ് എസ്.അബ്ദുല്‍ നസീറും കേന്ദ്രസര്‍ക്കാരിനോട് ആവശ്യപ്പെട്ടു. ഭരണഘടനയുടെ 14, 15, 21, 25 അനുച്ഛേദങ്ങള്‍ മുത്തലാഖ് ലംഘിക്കുന്നില്ല. മുത്തലാഖ് ആയിരം വര്‍ഷത്തിലധികമായി സുന്നി വിഭാഗത്തിന്റെ ഭാഗമാണെന്നും മുസ്ലിം വ്യക്തിനിയമത്തിന്റെപരിധിയില്‍പ്പെടുന്നതാണെന്നും ഇരുവരും വിലയിരുത്തി.

ഖുറാന്റെ അടിസ്ഥാന തത്വങ്ങള്‍ക്ക് എതിരാണ് മുത്തലാഖ് എന്ന് ജസ്റ്റിസുമാരായ റോഹിന്റണ്‍ ഫാലി നരിമാന്‍, കുര്യന്‍ ജോസഫ്, യു.യു. ലളിത് എന്നിവര്‍ വ്യക്തമാക്കി. ഖുറാന് എതിരായതായതിനാല്‍ മുത്തലാഖ് അംഗീകരിക്കാനാകില്ല. പ്രത്യക്ഷമായി വസ്തുനിഷ്ഠമല്ലാത്തതും ഭരണഘടനാ വിരുദ്ധവുമായതിനാല്‍ മുത്തലാഖ് നിരോധിക്കണമെന്നും മൂവരും ആവശ്യപ്പെട്ടു.

മുത്തലാഖിലൂടെ വിവാഹമോചിതരായ ഉത്തര്പ്രനദേശിലെ സൈറ ബാനു ഉള്‌പ്പെഖടെ മുസലമലിം സമുദായാംഗങ്ങളായ സ്ത്രീകളാണു മുത്തലാഖ് നിരോധിക്കണമെന്നാവശ്യപ്പെട്ടു സുപ്രീം കോടതിയെ സമീപിച്ചത്