ഡോക് ലയില്‍ ധാരണ:ഇന്‍ഡ്യ-ചൈന സൈനീക വിഭാഗങ്ങള്‍ പിന്‍മാറും

ന്യൂഡല്‍ഹി: ഡോക ലായില്‍ നിര്‍മാണ പ്രവര്‍ത്തനങ്ങള്‍ക്കുള്ള ചൈനയുടെ ശ്രമത്തെത്തുടര്‍ന്ന് ഇന്ത്യയുടെയും ചൈനയുടെയും സൈനികര്‍ക്കിടയില്‍ ഉടലെടുത്ത പ്രശ്‌നങ്ങള്‍ക്ക് ശമനമാകുന്നുവെന്ന് സൂചന. ഇരുരാജ്യങ്ങളും ഇവിടെ നിന്നും സൈനികരെ പിന്‍വലിക്കുന്നതു സംബന്ധിച്ച് ധാരണയിലെത്തിയെന്നാണ് വിവരം. വിദേശകാര്യമന്ത്രാലയമാണ് ഇതു സംബന്ധിച്ച വിവരം പുറത്തു വിട്ടത്.

ഇരു രാജ്യങ്ങളും തമ്മില്‍ ദിവസങ്ങളായി നടന്നു വന്ന നയതന്ത്രതല ചര്‍ച്ചകളാണ് സേനാ പിന്മാറ്റത്തിന് വഴിവച്ചത്. സൈനികരുടെ പിന്മാറ്റം ഇതിനോടകം തന്നെ ആരംഭിച്ചുവെന്നും തോട്ടടുത്ത ദിവസങ്ങളില്‍ തന്നെ സൈനിക പിന്മാറ്റം പൂര്‍ത്താകുമെന്നും വിദേശകാര്യ മന്ത്രാലയറ വൃത്തങ്ങള്‍ അറിയിച്ചു.

ഇക്കഴിഞ്ഞ, ജൂണ്‍ 16നാണ് ചൈനയുടെ പീപ്പിള്‍സ് ലിബറേഷന്‍ ആര്‍മി ഡോക ലാ മേഖലയില്‍ റോഡ് നിര്‍മാണ പ്രവര്‍ത്തനങ്ങള്‍ തുടങ്ങിയത്. ചൈന റോഡ് നിര്‍മാണം നടത്താന്‍ ശ്രമിച്ച മേഖല ഇന്ത്യ, ഭൂട്ടാന്‍, ടിബറ്റ് മേഖലയില്‍ വരുന്നതാണ്. ഇപ്പോള്‍ ചൈനയുടെ നിയന്ത്രണത്തിലുള്ള ഇവിടെ നിര്‍മാണ പ്രവര്‍ത്തനം നടത്തുന്നതില്‍ ഭൂട്ടാന്‍ സര്‍ക്കാരും ചൈനയെ പ്രതിഷേധം അറിയിച്ചിരുന്നു.

ഇന്ത്യന്‍ സൈന്യം അതിര്‍ത്തി ലംഘിച്ചെന്നാരോപിച്ച് ചൈന അതിര്‍ത്തി അടച്ചിരുന്നു. ഡോക ലായില്‍ല്‍ സംഘര്‍ഷ സാധ്യത ഏറിയതോടെ ഇരുരാജ്യങ്ങളും ഇവിടെ നിരവധി സൈനികരെ വിന്യസിച്ചിരുന്നു.