മാനഭംഗ കേസ് :ഗുര്‍മീതിന് 20 വര്‍ഷ കഠിന തടവ്,30 ലക്ഷം പിഴ

കഠിനം കാരാഗൃഹ വാസം; രണ്ട് കേസുകളിലായി ഗുര്‍മീതിന്റെ ശിക്ഷ; ഇരുപത് വര്‍ഷം തടവും മുപ്പത് ലക്ഷം പിഴയും. ചണ്ഡിഗഡ്ന്മ മാനഭംഗക്കേസില്‍ ദേര സച്ചാ സൗദാ തലവന്‍ ഗുര്‍മീത് റാം റഹിം സിങ്ങിന് പ്രത്യേക സിബിഐ കോടതി 20 വര്‍ഷം കഠിന തടവ് വിധിച്ചു. രണ്ട് കേസുകളിലായി 10 വര്‍ഷം വീതമാണു തടവുശിക്ഷ വിധിച്ചത്. കോടതിവിധിയുടെ പകര്‍പ്പ് പുറത്തുവന്നപ്പോഴാണ് ശിക്ഷയുടെ കാര്യത്തില്‍ വ്യക്തത വന്നത്. നേരത്തേ 10 വര്‍ഷം തടവും മൂന്നു വ്യത്യസ്ത കേസുകളിലായി 65,000 രൂപ പിഴയും ...

അവസാനമായി എന്തെങ്കിലും പറയാനുണ്ടോ എന്ന ജഡ്ജിയുടെ ചോദ്യത്തിന് മുന്‍പില്‍ ഗുര്‍മീത് പൊട്ടിക്കരഞ്ഞു. തനിക്ക് മാപ്പു തരണമെന്നായിരുന്നു കൂപ്പുകൈകളോടെ ഗുര്‍മീത് കോടതിയോട് അപേക്ഷിച്ചത്.

ജയിലിലെ വായനാ മുറിയിലാണ് താല്‍ക്കാലിക കോടതി സജ്ജമാക്കിയത്. അഭിഭാഷകരുള്‍പ്പടെ എട്ടു പേര്‍ മാത്രമാണ് വിധി പ്രഖ്യാപിക്കുന്ന വേളയില്‍ ജയിലിലെ വായനാ മുറിയിലുണ്ടായിരുന്നത്.ഗുര്‍മീതിന്റെ പ്രായം കണക്കിലെടുത്ത് തടവു ശിക്ഷ ഏഴു വര്‍ഷം മാത്രമേ നല്‍കാവൂ എന്നാണ് പ്രതിഭാഗം അഭിഭാഷകന്‍ വാദിച്ചത്‌

മാനഭംഗക്കേസില്‍ ദേരാ സച്ചാ സൗദി തലവന്‍ ഗുര്‍മീത് റാം റഹിം സിംഗിന്റെ ശിക്ഷ പ്രഖ്യാപിക്കുന്നതിനായി ജഡ്ജി റോത്തക്കില്‍ എത്തിയത്‌. ജഡ്ജി ജഗ്ദീപ് സിംഗ് ഹെലികോപ്ടര്‍ മാര്‍ഗമാണ് റോഹ്തക്കിലെ പ്രത്യേക സിബിഐ കോടതിയില്‍ എത്തിയത്‌

കോടതിയും പരിസരവും കനത്ത സുരക്ഷ വലയത്തിലാണ്. ഗുര്‍മീതിനെ പാര്‍പ്പിച്ചിരിക്കുന്ന ജയിലിനു ചുറ്റും 3,000 അര്‍ദ്ധ സൈനികരെയാണ് വിന്യസിച്ചിരിക്കുന്നത്. അതേസമയം റോഹ്തക്കില്‍ അനിഷ്ട സംഭവങ്ങളുണ്ടാക്കാന്‍ ആരെയും അനുവദിക്കില്ലെന്നു ഡെപ്യൂട്ടി കമ്മീഷണര്‍ അതുല്‍കുമാര്‍ അറിയിച്ചു. മുന്നറിയിപ്പുകള്‍ അവഗണിച്ച് സംഘര്‍ഷമുണ്ടാക്കാന്‍ ശ്രമിക്കുന്നവര്‍ വെടിയുണ്ടകളെ നേരിടേണ്ടിവരുമെന്നും അദ്ദേഹം പറഞ്ഞു.