സ്വകാര്യ കമ്പനികള്‍ ബാങ്കുകളുടെ കടം ഉടന്‍ അടച്ചു തീര്‍ക്കുക;ധനമന്ത്രി

സ്വകാര്യ കമ്പനികള്‍ ബാങ്കുകളുടെ കടം ഉടന്‍ അടച്ചു തീര്‍ക്കുക;ധനമന്ത്രി വന്‍തുക ബാങ്കുകളില്‍ നിന്ന് വായ്പയെടുത്ത് തിരിച്ചടയ്ക്കാത്ത സ്വകാര്യ കമ്പനികള്‍ കുടിശ്ശിക ഉടന്‍ അടച്ചു തീര്‍ക്കുകയോ അല്ലാത്ത പക്ഷം ബാങ്കിന്റെ ചുമതല മറ്റാര്‍ക്കെങ്കിലും കൈമാറുകയോ വേണമെന്ന് ധനമന്ത്രി അരുണ്‍ ജെയ്റ്റ്‌ലി ആവശ്യപ്പെട്ടു.ഇതു സംബന്ധിച്ച് ബാങ്കുകള്‍ക്ക് നോട്ടീസ് അയച്ചിട്ടുണ്ടെന്നും അദ്ദേഹം വ്യക്തമാക്കി.

പൊതുമേഖലാ ബാങ്കുകള്‍ക്ക് കൂടുതല്‍ മൂലധനം അനുവദിക്കാന്‍ സര്‍ക്കാര്‍ സന്നദ്ധമാണ്. എന്നാല്‍ വായ്പകള്‍ വീണ്ടെടുക്കാനുള്ള നടപടികള്‍ക്ക് ബാങ്കുകള്‍ മുന്‍ഗണന നല്‍കണമെന്ന് ന്യൂഡല്‍ഹിയില്‍ നടന്ന ചടങ്ങില്‍ അദ്ദേഹം ആവശ്യപ്പെട്ടു. വായ്പാ കുടിശിക വരുത്തുന്ന വന്‍കിടക്കാര്‍ക്കെതിരെ രാജ്യത്ത് നടപടിയുണ്ടാകുന്നത് ആദ്യമായാണെന്നും ധനമന്ത്രി ചൂണ്ടിക്കാട്ടി. കിട്ടാക്കടം വീണ്ടെടുക്കാന്‍ സമയമെടുക്കും. മിന്നലാക്രമണം പോലെയുള്ള നടപടികള്‍ ഇക്കാര്യത്തില്‍ സ്വീകരിക്കാനാവില്ലെന്നും ധനമന്ത്രി വ്യക്തമാക്കി.