കേന്ദ്ര മന്ത്രിസഭ പുനസംഘടന നാളെ

കേന്ദ്ര മന്ത്രിസഭ പുനസംഘടന നാളെ നടക്കും.മോദി സര്‍ക്കാര്‍ മന്ത്രിസഭയുടെ മൂന്നാമത്തെ വലിയ അഴിച്ചു പണിയാണിത്.ഞായറാഴ്ച ഉച്ചതിരിഞ്ഞ് പ്രധാനമന്ത്രി നരേന്ദ്ര മോദി ബ്രിക്‌സ് ഉച്ചകോടിയില്‍ പങ്കെടുക്കാന്‍ ചൈനയ്ക്കു തിരിക്കും മുന്‍പ് പുതിയമന്ത്രിമാരേ പ്രഖ്യാപിക്കും.ഞായറാഴ്ച രാവിലെ തന്നെ രാഷ്ട്രപതി ഭവനില്‍ ഇവരുടെ സത്യപ്രതിജ്ഞ നടക്കുമെന്നാണ് സൂചന.

കേന്ദ്ര മന്ത്രി സഭ പുനസംഘടനയ്ക്കു മുന്നോടിയായി അഞ്ചു മന്ത്രിമാര്‍ രാജിവെച്ചിരുന്നു.രാജിവെച്ച മന്ത്രിമാരേ വിവിധ സംസ്ഥാനങ്ങളിലെ പാര്‍ട്ടിയുടെ ചുമതല നല്‍കുമെന്നാണ് ബിജെപി ക്യാമ്പില്‍ നിന്നുള്ള റിപ്പോര്‍ട്ടുകള്‍.

കേന്ദ്ര തൊഴില്‍ മന്ത്രി ബന്ദാരു ദത്താത്രേയ ഇന്നലെ രാജിവച്ചു. രാജീവ് പ്രതാപ് റൂഡി, സഞ്ജീവ് കുമാര്‍ ബല്യാന്‍, ഫഗന്‍ സിംഗ് കുലസ്‌തേ, മഹേന്ദ്ര നാഥ് പാണ്ഡേ തുടങ്ങിയവര്‍ വ്യാഴാഴ്ച രാജിവച്ചിരുന്നു. ഉമാഭാരതി രാജി സന്നദ്ധത അറിയിച്ചിട്ടുമുണ്ട്. തുടര്‍ച്ചയായ ട്രെയിനപകടങ്ങളുടെ പശ്ചാത്തലത്തില്‍ കേന്ദ്ര റെയില്‍വേ മന്ത്രി സുരേഷ് പ്രഭുവും രാജി സന്നദ്ധത അറിയിച്ചിരുന്നു.

ബിജെപിയിലെ ധാരണ അനുസരിച്ച് മന്ത്രിമാരുടെ പ്രായപരിധി 75 വയസായിരിക്കെ 78 വയസായ കല്‍രാജ് മിശ്രയും രാജി സന്നദ്ധത അറിയിച്ചിട്ടുണ്ട്. പുനസംഘടനയ്ക്കു മുന്നോടിയായി ബിജെപി ദേശീയ അധ്യക്ഷന്‍ അമിത്ഷാ മുതിര്‍ന്ന നേതാക്കളുമായി കൂടിക്കാഴ്ച നടത്തിയിരുന്നു.ഗുജറാത്,ഹിമാചല്‍ പ്രദേശ്,കര്‍ണാടക തുടങ്ങീ സംസ്ഥാനങ്ങളില്‍ തിരഞ്ഞെടുപ്പ് അടുത്തു വരുന്ന സാഹചര്യത്തില്‍ ഇവിടെ നിന്നുള്ള ചില എം പിമാരേമന്ത്രിമാരുക്കുമെന്നാണ് സൂചന.