ജാമ്യം തേടി ദിലീപ് കോടതിയിലെത്തുന്നത് അഞ്ചാം തവണ,അപേക്ഷ ഇന്നു പരിഗണിക്കും

രണ്ടു തവണ അങ്കമാലി ജുഡീഷ്യല്‍ മജിസ്‌ട്രേറ്റ് കോടതിയും രണ്ടു തവണ ഹൈക്കോടതിയും ജാമ്യം നിഷേധിച്ച നടന്‍ ദിലീപ് ജാമ്യത്തിനായി വീണ്ടും ഹൈക്കോടതിയില്‍ ജാമ്യാപേക്ഷ സമര്‍പിച്ചു.നടിയെ ആക്രമിച്ച കേസിലെ ഗൂഡാലോചന കേസില്‍ ജയിലില്‍ കഴിയുന്ന നടന്‍ ദിലീപിന് സോപാധിക ജാമ്യം അനുവദിക്കാന്‍ കഴിയില്ലെന്ന് കഴിഞ്ഞ ദിവസം അങ്കമാലി കോടതി പറഞ്ഞിരുന്നു.90 ദിവസത്തിനകം കുറ്റപത്രം സമര്‍പ്പിക്കാന്‍ പ്രോസിക്യൂഷന് കഴിഞ്ഞില്ലെങ്കില്‍ നടന് സോപാധിക ജാമ്യത്തിനര്‍ഹതയുണ്ട്.എന്നാല്‍ അന്വേഷണം അവസാനഘട്ടത്തിലാണെന്നും അതിനാല്‍ ജാമ്യം അനുവദിക്കണമെന്നുമാണ് പ്രധാന വാദം

മുതിര്‍ന്ന അഭിഭാഷകന്‍ ബി രാമന്‍ പിള്ളയാണ് ദിലീപിനു വേണ്ടി ഹാജരാകുന്നത്. പ്രതിക്കെതിരെ അതീവ ഗുരുതര കുറ്റമാണ് പ്രോസിക്യൂഷന്‍ ചുമത്തിയിരിക്കുന്നത്.നടിയെ ലൈംഗികമായി ആക്രമിക്കാന്‍ ഗൂഡാലോചന നടത്തുകയും അതിനുവേണ്ടി ക്വട്ടേഷന്‍ കൊടുക്കുകയും ചെയ്തതെന്നാണ് നടനെതിരെ പ്രധാനമായും ആരോപിക്കപ്പെടുന്ന കുറ്റം.ചരിത്രത്തിലെ തന്നെ ആദ്യ ബലാല്‍സംഘ ക്വട്ടേഷന്‍ കേസാണിതെന്നും പ്രോസിക്യൂഷന്‍ ആരോപിച്ചിരുന്നു.ഈ സാഹചര്യത്തിലാണ് ദിലീപിന് ജാമ്യം കോടതി നിഷേധിച്ചിരിക്കുന്നത്‌

നടിയുടെ അപകീര്‍ത്തികരമായ ദൃശ്യങ്ങള്‍ പകര്‍ത്താന്‍ ഗൂഢാലോചന നടത്തിയെന്ന കുറ്റം മാത്രമാണു തനിക്കെതിരെ ചുമത്തിയിട്ടുള്ളത്. 10 വര്‍ഷത്തില്‍ താഴെ മാത്രം ശിക്ഷ കിട്ടാവുന്ന കേസില്‍ 65 ദിവസമായി ജുഡീഷ്യല്‍ കസ്റ്റഡില്‍ കഴിയുന്ന തനിക്കു ജാമ്യം അനുവദിക്കണമെന്നാണു ജാമ്യാപേക്ഷയില്‍ ദിലീപ് ആവശ്യപ്പെട്ടത്. ഈ വാദം കോടതി അംഗീകരിച്ചില്ല..