ആര് ആരെ കണ്ടു പഠിക്കണം ? കേരളം ഗുജറാത്തിനെയോ, ഗുജറാത്ത് കേരളത്തെയോ…?

കേരളം ഗുജറാത്തിനെ കണ്ട് പഠിക്കട്ടെയെന്ന് യു പി മുഖ്യമന്ത്രി യോഗി ആദിത്യനാഥും, കേരളത്തിലെ ആശുപത്രികൾ കണ്ടുപഠിക്കൂ എന്ന് യോഗിയോട്‌ സിപിഎമ്മിന്റെ ഉപദേശവും കേരളം കണ്ടു കഴിഞ്ഞു.

ആശുപത്രി നടത്തുന്നതെങ്ങനെയെന്നു കേരള സർക്കാർ ഗുജറാത്തിനെ കണ്ടുപഠിക്കട്ടെ. കഴിഞ്ഞ ഒരു കൊല്ലത്തിനിടെ ‍ഡെങ്കിപ്പനി പിടിപെട്ടു കേരളത്തിൽ 300 പേർ മരിച്ചില്ലേ? ഇത്ര വലിയ സംസ്ഥാനമായിട്ടും യുപിയിൽ മരണസംഖ്യ കേരളത്തെക്കാൾ കുറവാണ്. ചിക്കൻഗുനിയ പിടിപെട്ടും കേരളത്തിൽ നിരവധി പേർ മരണപ്പെട്ടു. എന്നാൽ, യുപിയിൽ ഒരാൾ പോലും ചിക്കുൻഗുനിയ പിടിപ്പെട്ട് മരിച്ചിട്ടില്ലെന്ന് യോഗി ആദിത്യനാഥ് പറയുന്നു.

ബിജെപി ജാഥയ്ക്കു കേരളം സന്ദർശിക്കുന്ന യുപി മുഖ്യമന്ത്രിയെ കേരളത്തിലെ ആശുപത്രികളിലേക്കു ക്ഷണിക്കുന്നതായി സിപിഎം ഇന്നലെ ട്വിറ്ററിൽ പരിഹസിച്ചിരുന്നു. യുപിയിൽ ഓക്സിജൻ ലഭിക്കാതെ നിരവധി കുട്ടികൾ മരണാപ്പെട്ടിരുന്നു. ഈ പശ്ചാത്തലത്തിലാണ് സിപിഎമ്മിന്റെ പരിഹാസം. ബിജെപിയുടെ ജനരക്ഷായാത്രയ്ക്കിടെയാണ് യോഗി ആദിത്യനാഥ് കേരളത്തേയും ഗുജറാത്തിനമ്യും കുറിച്ച് താരതമ്യം ചെയ്ത് സംസാരിച്ചത്.

എന്ത് വലിയ മഹാത്ഭുതങ്ങളാണെങ്കിലും ഗുജറാത്തിനെ കണ്ട് കേരളം എന്നല്ല മറ്റ് ഏത് സംസ്ഥാനമായും ഒന്ന് അനുകരുക്കുകയെങ്കിലും ചെയ്താല്‍ പിന്നെ ആ സംസ്ഥാനത്തെ ജനത്തിന്റെ വില മൃഗങ്ങളെക്കാള്‍ കഷ്ടമായിരിക്കും എന്ന് പ്രത്യേകം പറയാണ്ടതില്ല. ബിജെപിക്ക് കൊണ്ടു നടക്കാന്‍ ഇത്തരം ദുരന്തങ്ങള്‍ മാത്രമേ ഉള്ളോ, മരുന്നിന് പോലും കൊള്ളാവുന്ന ഒന്ന് ഇല്ലെയെന്ന് സോഷ്യല്‍ മീഡിയ ചോദിക്കുന്നു.