വേങ്ങര ഉപതെരഞ്ഞെടുപ്പ് കനത്ത പോളിംഗ്:വോട്ടെണ്ണല്‍ 15 ന്‌

മലപ്പുറം: വേങ്ങര ഉപതെരഞ്ഞെടുപ്പില്‍ റിക്കാര്‍ഡ് പോളിംഗ്. മണ്ഡലത്തിന്റെവ ചരിത്രത്തിലെ ഏറ്റവും ഉയര്‍ന്ന പോളിംഗ് രേഖപ്പെടുത്തിയാണ് വോട്ടെടുപ്പ് പൂര്‍ത്തിയായത്. രാത്രിയോടെ ലഭ്യമായ ഔദ്യോഗിക കണക്കു പ്രകാരം 71.99 ശതമാനമാണ് വേങ്ങരയിലെ പോളിംഗ്.

മണ്ഡലം നിലവില്‍ വന്നതിനു ശേഷം നടന്ന നിയമസഭാ, ലോക് സഭാ തെരഞ്ഞെടുപ്പുകളില്‍ രേഖപ്പെടുത്തിയതിനേക്കാള്‍ കൂടിയ പോളിംഗാണ് ഇത്തവണത്തേത്. കഴിഞ്ഞ നിയമസഭാ തെരഞ്ഞെടുപ്പില്‍ 70.77 ആയിരുന്നു പോളിംഗ് ശതമാനം

. 2011 ല്‍ മലപ്പുറം, കോട്ടക്കല്‍ മണ്ഡലങ്ങള്‍ വിഭജിച്ച് നിലവില്‍ വന്ന വേങ്ങര മണ്ഡലത്തില്‍ നടന്ന പ്രഥമനിയമസഭാ തെരഞ്ഞെടുപ്പില്‍ 68.9 ആയിരുന്നു പോളിംഗ് ശതമാനം. ഇക്കഴിഞ്ഞ ലോക്സഭാ തെരഞ്ഞെടുപ്പില്‍ മലപ്പുറം പാര്‍ലമെന്റെ മണ്ഡലത്തിലെ വേങ്ങര നിയമസഭാ മണ്ഡലപരിധിയില്‍ 67.76 ശതമാനം പോളിംഗാണ് രേഖപ്പെടുത്തിയത്. വിവിപാറ്റ് സംവിധാനം ഉപയോഗിച്ചുള്ള രാജ്യത്തെ ആദ്യത്തെ തിരഞ്ഞെടുപ്പായിരുന്നു വേങ്ങരയിലേത്