ബാംഗ്ലൂരില്‍ കനത്ത മഴതുടരുന്നു;ഇതുവരെ മഴക്കെടുതിയില്‍ മരിച്ചവരുടെഎണ്ണം ഒന്‍പതായി

ബാംഗ്ലൂര്‍:അപ്രതീക്ഷിതമായി പെയ്ത മഴയില്‍ ഞെട്ടിവിറച്ച് ബാംഗ്ലൂര്‍.മഹാനഗരത്തില്‍ മഴക്കെടുതിയില്‍ ഇതുവരെ ഒന്‍പതു ജീവനുകളാണ് പൊലിഞ്ഞത്.വെള്ളിയാഴ്ച രാവിലെ മുതല്‍ തുടങ്ങിയതാണ് മഴ.ഇതുവരെ 48 മില്ലീമീറ്റര്‍മഴയാണ് രേഖപ്പെടുത്തിയത്.കനത്തവെള്ളക്കെട്ടില്‍ പാതിമുങ്ങിയ കാറില്‍ നിന്ന് പൊലീസുകാര്‍ യുവതിയെ രക്ഷിക്കുന്ന ദൃശ്യങ്ങള്‍ സാമൂഹ്യമാധ്യമങ്ങളില്‍ വൈറലായതോടെ മഴയുടെ ആഴം എത്രമാത്രമുണ്ടെന്നറിയാന്‍ കഴിഞ്ഞു.വാഹനത്തില്‍ ആളുണ്ടെന്നറിഞ്ഞ് മൂന്നു പോലീസുകാരും പ്രദേശവാസികളും ചേര്‍ന്നാണ് രക്ഷാപ്രവര്‍ത്തനം നടത്തിയത്.

കനത്ത മഴയില്‍ ബെംഗളൂരുവില്‍ പലയിടത്തും റോഡില്‍ വെള്ളക്കെട്ടാണ്. മൂന്നു സംഘങ്ങളായി ബൃഹദ് ബെംഗളൂരു മഹാനഗര പാലികെ(ബിബിഎംപി)യും ദേശീയ ദുരന്ത നിവാരണ സേനയും സംസ്ഥാന ദുരന്ത നിവാരണ സേനയും രക്ഷാപ്രവര്‍ത്തനങ്ങള്‍ക്ക് നേതൃത്വം നല്‍കുന്നുണ്ട്.

മഴയെ ഫലപ്രദമായരീതിയില്‍ നേരിടാനാകാതെ വന്നത് മുഖ്യമന്തി സിദ്ധരാമയ്യയുടെപിടിപ്പുകേടാണന്ന് ബിജെപി ആരോപിച്ചു.അശാസ്ത്രീയമായ ഓടനിര്‍മ്മാണമാണ് മഴവെള്ളക്കെട്ടുണ്ടാക്കിയതെന്നാണ് ആരോപണം.800 കോടി രൂപ ഓടനിര്‍മ്മാണത്തിനായി ചിലവിട്ടെങ്കിലും പൂര്‍ത്തിയാക്കിയിട്ടില്ലെന്ന ആരോപണവും ശക്തമാണ്.