ഹര്‍ത്താലിന് അക്രമം നടത്തിയാല്‍ കര്‍ശന നടപടി:സര്‍ക്കാര്‍

തിരുവനന്തപുരം:തിങ്കഴാഴ്ച യുഡിഎഫ് ആഹ്വാനം ചെയ്തിരിക്കുന്ന ഹര്‍ത്താലില്‍ ജനങ്ങല്‍ക്ക് എല്ലാവിധ സംരക്ഷണവും നല്‍കുമെന്ന് സര്‍ക്കാര്‍ അറിയിച്ചു.ഇതു സംബന്ധിച്ചുള്ള നിര്‍ദ്ദേശങ്ങള്‍ സംസ്ഥാന പൊലീസ് മേധാവിയ്ക്ക് നല്‍കിയിട്ടുണ്ട്.

വാഹനഗതാഗതം തടസ്സപ്പെടുത്തുകയോ,നിര്‍ബ്ബന്ധിച്ച് കടകള്‍ അടപ്പിക്കുകയോ ജോലിക്കെത്തുന്നവരെ തടസ്സപ്പെടുത്തുകയോ സര്‍ക്കാര്‍(കെഎസ്ആര്‍ടിസി)സ്വകാര്യ വാഹനങ്ങള്‍ക്കു കേടുപാടുവരുത്തുകയോ ചെയ്യുന്ന ഹര്‍ത്താല്‍ അനുകൂലികള്‍ക്കെതിരെ കര്‍ശന നടപടി സ്വീകരിക്കുമെന്നാണ് സര്‍ക്കാര്‍ നിര്‍ദ്ദേശം.ഓഫീസുകളും കോടതികളും സുഗമമായി പ്രവര്‍ത്തിക്കുന്നതിന് പൊലീസ് സംരക്ഷണം നല്‍കും.

പെട്രോളിയം ഉല്‍പന്നങ്ങളുടെ കൊള്ളവിലയ്ക്കും ജിഎസ്ടി നിരക്കിനും ,കേന്ദ്ര സംസ്ഥാന ജനദ്രോഹ നടപടികള്‍ക്കെതിരെയുമാണ് യുഡിഎഫ് ഹര്‍ത്താലിന് ആഹ്വാനം ചെയ്തിരിക്കുന്നത്. രാവിലെ ആറു മുതല്‍ വൈകീട്ട് ആറുവരെയാണ് പര്‍ത്താല്‍ .പാല്‍,പത്രം,വിവാഹം എന്നിവയെ ഹര്‍ത്താലില്‍ നിന്ന് ഒഴിവാക്കിയിട്ടുണ്ട.ആദ്യം ഹര്‍ത്താല്‍ പ്രഖ്യാപിച്ചത് 13 നായിരുന്നു.എന്നാല്‍ ഫീഫ അണ്ടര്‍ 17 ലോകകപ്പ് നടക്കുന്ന ദിവസമായതിനാല്‍ അന്നേ ദിവസംമാറ്റി 16 ന് പ്രഖ്യാപിക്കുകയായിരുന്നു