പിണറായി വിജയന്‍ മലചവിട്ടും,വികസനപ്രവര്‍ത്തനങ്ങള്‍ ഉദ്ഘാടനം ചെയ്യും മുന്നൊരുക്കങ്ങള്‍ വിലയിരുത്തും

ശബരിമല:മുഖ്യമന്ത്രി പിണറായി വിജയന്‍ ശബരമിലയിലേക്ക്.മണ്ഡലം മകരവിളക്ക് കാലത്തിനു മുന്‍പായി പമ്പയിലും സന്നിധാനത്തും നടക്കുന്ന മുന്നൊരുക്കങ്ങള്‍ വിലയിരുത്തുന്നതിനും നാലു പ്രധാന പദ്ധതികള്‍ ഉദ്ഘാടനം ചെയ്യുന്നതിനുമാണ് പിണറായി സന്നിധാനത്തെത്തുന്നത്.കോടികള്‍ മുടക്കി ടൂറിസം വകുപ്പ് നിര്‍മിക്കുന്ന പുണ്യ ദര്‍ശന കോംപ്ലക്‌സ്,പമ്പയിലെ സ്‌നാനഘട്ട നവീകരണം,സന്നിധാനത്തെ ശുദ്ധജല സംഭരണി എന്നിവ മുഖ്യമന്ത്രി ഉദ്ഘാടനം ചെയ്യും.

മണ്ഡല മകരവിളക്ക് കാലത്തേക്ക് ആവശ്യമായ എല്ലാ നവീകരണപ്രവര്‍ത്തനങ്ങളും ഒക്‌ടോബര്‍ മാസത്തിനകം പൂര്‍ത്തിയാക്കണമെന്ന് മുഖ്യമന്ത്രി ഉദ്യോഗസ്ഥര്‍ക്ക് നിര്‍ദ്ദേശം നല്‍കിയിട്ടുണ്ട്.കഴിഞ്ഞ വര്‍ഷത്തേക്കാള്‍ തുക ആവശ്യമെങ്കില്‍ നേരത്തേ അറിയിക്കണമെന്നും മുഖ്യമന്ത്രി നേരിട്ട് നല്‍കിയ നിര്‍ദ്ദേശത്തില്‍ പറയുന്നു. ഒക്‌ടോബര്‍ അവസാനത്തോടെ ശബരമില തീര്‍ത്ഥാടകര്‍ ആശ്രയിക്കുന്ന 207 റോഡുകളുടെ അറ്റകുറ്റപ്പണികള്‍ പൂര്‍ത്തിയാക്കണമെന്ന് നിര്‍ദ്ദേശമുണ്ട്.തീര്‍ത്ഥാടക കാലത്തേക്ക് 400 കെഎസ്ആര്‍ടിസി ബസുകള്‍ സ്‌പെഷ്യലായി ഓടിക്കും.കൂടാതെ സ്‌പെഷ്യല്‍ ട്രെയിനുകള്‍ എത്രയെണ്ണമാണെന്ന് റെയില്‍വേ പരിഗണിക്കുന്നുണ്ട്.

എരുമേലിയില്‍ ശുദ്ധജല പ്ലാന്റ് നിര്‍മ്മിക്കാന്‍ ആവശ്യമായ സഹായങ്ങള്‍ സര്‍ക്കാര്‍ നല്കുന്നുണ്ട്.37ഇടത്താവളങ്ങളാണ് തീര്‍ത്ഥാടകര്‍ക്കായി ഒരുക്കുന്നത്.ഇതില്‍ 10 എണ്ണം 15 ദിവസത്തിനകം പൂര്‍ത്തിയാക്കുമെന്നാണ് അറിയിച്ചിരിക്കുന്നത്‌