വീര സഖാവിന് 94 ന്റെ മധുരം

ഒരു ജനതയുടെ മുഴുവന്‍ ആവേശമായ ഒരു നേതാവ്. അങ്ങനെ ഒരു നേതാവ് ഉണ്ടെങ്കില്‍ വി. എസ് അച്യുതാനന്ദന്‍ മാത്രമാണ്. ഏത് തലമുറയില്‍പ്പെട്ടവരാണെങ്കിലും സഖാവെ എന്ന് നെഞ്ചില്‍ കൈവെച്ച് പറയുന്ന നാമം. സമരപോരാട്ടങ്ങളിലൂടെ ആര്‍ജ്ജിച്ച കരുത്ത് അദ്ദേഹത്തിന് എന്നും മുതല്‍ക്കൂട്ടാണ്. ഇന്ന് ആ സമരനായകന്‌ 94 വയസ്.

കുടുംബാംഗങ്ങള്‍ക്കൊപ്പം വളരെ ലളിതമായാണ് അദ്ദേഹം പിറന്നാള്‍ ആഘോഷിക്കുന്നത്. വളരെ അടുത്ത ബന്ധുകളും പേഴ്‌സണല്‍ സ്റ്റാഫില്‍ ഉള്‍പ്പെട്ടവരും ചേര്‍ന്ന് കേക്ക് മുറിക്കും. ശേഷം മധുരം വിതരണം ചെയ്യും. വൈകിട്ട് തിരുവനന്തപുരം പ്രസ്‌ക്ലബില്‍ വെച്ച് ഒരു പുസ്തക പ്രകാശനമാണ് ഇന്ന് അദ്ദേഹത്തിന് ആകെയുളള പൊതുപരിപാടി . 1923 ഒക്ടോബര്‍ 20 ന് ആലപ്പുഴ പുന്നപ്രയിലായിരുന്നു വിഎസ് ജനിച്ചത്.