‘തിരുവാതിര രാവില്‍’..……സഹസ്രമലയാളി മങ്കമാരുടെ ചുവടിലലിഞ്ഞ് ദുബായ്

ദുബായ്:തിരുവാതിര രാവിലലിഞ്ഞു ചേര്‍ന്ന് ദുബായ് .1246 വനിതകളാണ് എത്തിസലാത്ത് അക്കാദമിയില്‍ നടന്ന സമൂഹത്തിരുവാതിരയില്‍ ചുവടുകള്‍ വെച്ചത്.പ്രായഭേദമെന്യേ മലയാളി മങ്കമാരായിരുന്നു തിരുവാതിരയിലധികം പങ്കെടുത്തതെങ്കിലും വചക്കേ ഇന്‍ഡ്യന്‍ വനിതകളും മറ്റ് ദക്ഷിണേന്‍ഡ്യന്‍ സംസ്ഥാനങ്ങളില്‍ നിന്നുള്ളവരും ഇവരോടൊപ്പം ചുവടുകള്‍ വെച്ചു.മാത്രമല്ല കസവുകരയുള്ള ഒന്നരയും മുണ്ടും ചുവപ്പു നിറമുള്ള ബ്ലൗസുമായിരുന്നു ഇവരുടെ വേഷം.

മലയാളിയും നര്‍ത്തകിയും നടിയുമായ ആശാ ശരത്താണ് നൃത്താലങ്കാരം നിര്‍വ്വഹിച്ചത്.രണ്ടു മാസം നീണ്ടു പരിശീലനമാണ് സമൂഹത്തിരുവാതിരയ്ക്കായി ഒരുക്കിയത്.നാല്പതു ഗ്രൂപ്പുകളായി തിരിഞ്ഞ് പാര്‍ക്കുകളിലും മറ്റുമായിരുന്നു പരിശീലന പരിപാടി.പതിനഞ്ചു മിനിറ്റും മുപ്പതു സെക്കന്‍ഡും നീണ്ടു നില്‍ക്കുന്ന രീതിയിലാണ് തിരുവാതിര അണിയച്ചൊരുക്കിയത്.

ദുബായ്പൂരം ആഘോഷങ്ങളുടെ ഭാഗമായാണ് സമൂഹത്തിരുവാതിര ഒരുക്കിയത്.തിരുവാതിരയോടൊപ്പം ഫ്‌ലോട്ടുകളും നിശ്ചല ആനകളിലൊരുക്കിയ കുടമാറ്റവുമൊക്കെ ചേര്‍ന്ന് ഒരു ചെറിയ പൂര രാവ് തന്നെയായിരുന്നു ഇന്നലെ ദുബായില്‍