രജനീകാന്തിനു പോലുമില്ലാത്ത പ്രതിഫലം ചോദിച്ച് പ്രഭാസ്;എങ്കില്‍ വേണ്ടന്ന് കരണ്‍

ബാഹുബലിയുടെ വലിയ വിജയത്തിനു ശേഷം തെലുങ്കു നടന്‍ പ്രഭാസ് തന്റെ പ്രതിഫലം 30 കോടിയായി ഉയര്‍ത്തിയെന്നായിരുന്നു ടോളിവുഡില്‍ നിന്നുള്ള വാര്‍ത്തകള്‍.ബാഹുബലിയ്ക്കു ശേഷം താരം അഭിനയിച്ച സഹോയ്ക്ക പ്രതിഫലം 30 കോടിയായി ഉയര്‍ത്തി എന്നും റിപ്പോര്‍ട്ടുകളുണ്ടായിരുന്നു

.ഇതിനിടയിലാണ് ബോളിവുഡില്‍ നിന്ന് കരണ്‍ ജോഹര്‍ തന്റെ പുതിയ ചിത്രത്തിലേക്ക് ആളെ തിരക്കിയറങ്ങിയത്.എങ്കില്‍ പിന്നെ പ്രഭാസ് തന്നെയായിക്കോട്ടെന്നും കരണ്‍ കരുതി.എന്നാല്‍ ബാഹുബലിയുടെ കണ്ണഞ്ചിപ്പിക്കുന്ന വിജയത്തിനു ശേഷം കരണിനോട് താരം ആവശ്യപ്പെട്ടത് 20 കോടി രൂപയത്രേ.പ്രശ്‌നമതല്ല തലൈവര്‍ രജനീകാന്തിനു പോലും ബോളിവുഡില്‍ നിന്ന് ഇത്ര തുക ആവശ്യപ്പെട്ടിട്ടില്ലത്രേ.പിന്നെയെങ്ങനെ പ്രഭാസിന് ആ തുക നല്‍കും

പിന്നെ ബോളിവുഡിലെ ഖാന്‍മാര്‍ക്കും കുമാറുമാര്‍ക്കും അന്‍പതു കോടിയിലധികം പ്രതിഫലമുള്ളപ്പോള്‍ തന്റെ ഒറ്റ സിനിമ കൊണ്ടും ഇന്‍ഡ്യന്‍ സിനിമാ പ്രേക്ഷകരെ ഒന്നായി ആകര്‍ഷിക്കാന്‍ കഴിഞ്ഞെങ്കില്‍ പ്രഭാസിനെന്തുകാണ്ട് അത്രവലിയ തുക ആവശ്യപ്പെട്ടു കൂടാ എന്നാണ് ദോഷൈകദൃക്കുകളുടെ ചോദ്യം..വെറുതെയൊന്നുമല്ലല്ലോ താരം പ്രതിഫലം കൂട്ടിയത് ബാഹുബലി എന്ന ബ്രഹ്മാണ്ഡ സിനിമയ്ക്കു വേണ്ടി കരിയറില്‍ കുറച്ചു വര്‍ഷങ്ങളിലേക്ക് മറ്റൊരു സിനിമയും സ്വീകരിക്കാന്‍ പ്രഭാസിനു കഴിഞ്ഞില്ല.നഷ്ടം നികത്തണ്ടേ