ഭീകരപ്രവര്‍ത്തകരായ നാല്പത് ഹൂതി വിമതരുടെ വിവരങ്ങള്‍ സൗദി പുറത്തുവിട്ടു

റിയാദ്:ഇന്നലെ റിയാദ് വിമാനത്താവളത്തെ ലക്ഷ്യമാക്കി അല്‍ ഹൂതി നടത്തിയ മിസൈല്‍ ആക്രമണത്തിനു പിന്നാലെ,അപകടകാരികളായ നാല്പത് അല്‍ ഹൂതി പ്രവര്‍ത്തകരുടെ വിവരങ്ങള്‍ പുറത്തുവിട്ട് സൗദി അറേബ്യ.ഇസ്ലാം വിരുദ്ധ തീവ്രവാദ പ്രവര്‍ത്തനങ്ങള്‍ക്ക് നേതൃത്വം നല്‍കുന്നവരില്‍ പ്രധാനികളുടെ വിവരങ്ങളാണ് സൗദി പുറത്തുവിട്ടത്.ഇവരെ കുറിച്ച് എന്തെങ്കിലും വിവരങ്ങള്‍ സൗദി ആഭ്യന്തരമന്ത്രാലയത്തിന് കൈമാറുന്നവര്‍ക്ക് ഇനാം പ്രഖ്യാപിച്ചിട്ടുണ്ട്.സൗദി പ്രസ് ഏജന്‍സിയാണ് വാര്‍ത്താകുറിപ്പിലൂടെ ഈ വിവരം പുറത്തുവിട്ടിരിക്കുന്നത്

ഭീകര വിരുദ്ധ ആക്ട് അനുസരിച്ചാണ് അനുസരിച്ചാണ് സൗദി ആഭ്യന്തര മന്ത്രാലയം ഭീകരരുടെ നീണ്ട ലിസ്റ്റ് പുറത്തിറക്കിയിരിക്കുന്നത്. ഇന്നലെ അല്‍ഹൂതികള്‍ നടത്തിയ മിസൈല്‍ ആക്രമണം സൗദി ആകാശത്തുവെച്ച് തന്നെ തകര്‍ത്തിരുന്നു. ഹൂതി വിമതരുടെയുള്‍പ്പടെ കൂടുതല്‍ ഭീകരരുടെയും സംഘടനകളുടെയും ലിസ്റ്റ് അധികം താമസിയാതെ പ്രസിദ്ധീകരിക്കുമെന്ന് സൗദി ആഭ്യന്തര മന്ത്രാലയം അറിയിച്ചു