ഹാദിയ ഡല്‍ഹിയിലേയ്ക്ക്;നെടുമ്പാശേരിയില്‍ സംഘര്‍ഷ സാധ്യത:അതീവ സുരക്ഷാ നിര്‍ദ്ദേശം

മതം മാറി വിവാഹിതയായ വൈക്കം സ്വദേശിനി ഹാദിയ ഡല്‍ഹിയിലേയ്ക്ക്. നേരിട്ട് ഹാജരാകണമെന്ന സുപ്രീംകോടതി ഉത്തരവിനെ തുടര്‍ന്ന് വൈക്കം സ്വദേശിനി ഹാദിയ (അഖില) ഇന്ന് ഡല്‍ഹിക്ക് പോകും. വൈകിട്ട് 6.30ന് ഹാദിയ പിതാവ് അശോകനും നാല് പോലീസുകാര്‍ക്കും ഒപ്പം നെടുന്പാശേരിയില്‍ നിന്നും ഡല്‍ഹിക്കുള്ള വിമാനത്തില്‍ കയറുമെന്നാണ് വിവരം. തിങ്കളാഴ്ച ഉച്ചകഴിഞ്ഞ് 3.30-നാണ് ഹാദിയയെ നേരിട്ട് ഹാജരാക്കാന്‍ സുപ്രീംകോടതി ഉത്തരവിട്ടിരിക്കുന്നത്. എന്നാല് യാത്രാ വിവരങ്ങള് പൊലീസ് അതീവ രഹസ്യമായാണ് സൂക്ഷിക്കുന്നത്.

രക്ഷിതാക്കളും ഹാദിയക്കൊപ്പമുണ്ടാകും. സുരക്ഷാ പ്രശ്‌നങ്ങള് പരിഗണിച്ച് നേരത്തെ നിശ്ചയിച്ചിരുന്ന ട്രെയിന്യാത്ര ഒഴിവാക്കിയിരുന്നു. യാത്രാ വിവരങ്ങള് പുറത്താകാതിരിക്കാന് പോലീസ് പ്രത്യേക ജാഗ്രത പുലര്ത്തുന്നുണ്ട്.

ഡല്‍ഹിയില്‍ എത്തുന്ന ഹാദിയയ്ക്ക് കേരള ഹൗസിലാണ് താമസ സൗകര്യം ഒരുക്കിയിരിക്കുന്നത്. സുരക്ഷ ഉദ്യോഗസ്ഥര്‍ക്കും പിതാവിനുമായി കേരള ഹൗസില്‍ നാല് മുറി ബുക്ക് ചെയ്തിട്ടുണ്ട്. കനത്ത സുരക്ഷയാണ് ഹാദിയയ്ക്ക് ഡല്‍ഹിയിലും ഒരുക്കുന്നത്.

ഹാദിയയെ ഹാജരാക്കുന്ന തിങ്കളാഴ്ച കേസിലെ എന്‍ഐഎ റിപ്പോര്‍ട്ടും കോടതി പരിഗണിക്കും. ഹാദിയയുമായുള്ള വിവാഹം റദ്ദാക്കിയ ഹൈക്കോടതി വിധി ചോദ്യം ചെയ്ത് ഷെഫിന്‍ ജെഹാന്‍ സമര്‍പ്പിച്ച ഹര്‍ജിയിലാണ് സുപ്രീംകോടതി നടപടി. ഹാദിയയെ നേരിട്ട് കേള്‍ക്കണമെന്ന് അറിയിച്ചാണ് തിങ്കളാഴ്ച ഹാജരാക്കാന്‍ സുപ്രീംകോടതി ഉത്തരവിട്ടത്

അതേസമയം ഹാദിയയുടെ മൊഴി അടച്ചിട്ട മുറിയില് രേഖപ്പെടുത്തണമെന്ന പിതാവ് അശോകന്റെ ആവശ്യം സുപ്രീം കോടതി തള്ളി. കോടതിയില് പരസ്യമായി മൊഴി രേഖപ്പെടുത്തുന്നത് ഹാദിയയ്ക്ക് മാനസിക സമ്മര്ദമുണ്ടാക്കുമെന്ന് പറഞ്ഞാണ് അശോകന് സുപ്രീം കോടതിയില് അപേക്ഷ നല്കിയിരുന്നത്

മതം മാറിയ ഹാദിയ കൊല്ലം സ്വദേശി ഷഫിന് ജഹാനുമായി നടന്ന വിവാഹം അസാധുവാക്കുകയും ഹാദിയയെ പിതാവിന്റെ സംരക്ഷണത്തില് വിടുകയും ചെയ്ത ഹൈക്കോടതി വിധിക്കെതിരെ ഹാദിയയുടെ ഭര്ത്താവ് ഷഫിന് ജഹാന് നല്കിയ ഹര്ജിയിലാണ് ഹാദിയയെ നേരിട്ടു ഹാജരാക്കണമെന്ന് സുപ്രീംകോടതി ആവശ്യപ്പെട്ടത്. 27ന് വൈകീട്ട് മൂന്നിന്ന് തുറന്ന കോടതിയിലാണ് ഹാദിയയെ ഹാജരാക്കണ്ടത്